ثاني نقطة..
الوالدة الله يحفظها قالت زمان اول ما كان في صابون او شامبو فكانوا يستخدمون أوراق السدرة اللي هي اوراق النبج كصابون ولغسول الشعر..
وبما انه من الأرض..فلا تخافين
يبت 7 اوراق سدرة
طحنتهن
ويبت طشت متوسط فيه ماي وصبيت داخله الاوراق المحطونة
واغتسل به والاوراق طبيعي تثبت على الشعر
بعدين انشف شعري واربطه على طول..أسويه كيكة مثل ما يقولون
النتيجة:
بالامس كان رابع يوم اسوي هالطريقة
الصراحة وما اجذب عليكن
لاحظت تغير في عدد تساقط الشعر
ولله الحمد قل التساقط وبشكل ملحوظ..يعني قبل كنت بمجرد اني امشط شعري يطيح او اني امسك من تحت واسحب اشوف ان كذا شعرة بيدي كان الفروة ضعيفة
بس بعد هالطريقة الحمدلله وانا امشط شعري او اسحب من تحت او حتى انشفه بالمنشفة ما اشوف شعرات ومرات كذا شعرة يعني تقولين الطيحة هالمرة طبيعية.
بس ملاحظة صغيرة:
اللي تخاف من التجربة
تحاول تستخدم هالطريقة مدة 3 ايام..إذا لاحظت تغير للأحسن تتوكل وتستمر واذا لاحظت العكس توقف
ترى الريحة نباتية 
وبتحسين بحجة بجسمج لأن النبتة المطحونة بتكون متناثرة يعني عادي جدا
اتمنى لكنّ التوفيق
حتى في ويهي مافي احلى منه..بس مايكون من العطار لانهم يجذبون علينا…
وأنا شكلي ربجع لأيام زمااان … بس المشكلة إنه يجفف الشعر ؟؟؟ شو تسوين مع الجفاف لأن شعري مو ناقص
اختي ترانيم عاشقة..تقدرين تحطين مع السدرة المطحونة زيت زيتون..ومثلا في كل اسبوع تدهين بها شعرج مرة..وجذى اظن بتنحل مشكلة الجفاف عندج..مشكورات على الرد
على فكرة
الرجوع لأيام زمان احسن لن الحين اغلب الأمور يدخلون فيها كيماويات وادوية واي شي من الارض استخدمتيه ولا تحاتين..حتى نواة التمر تراها زينة لو طحنتيها وخلطتي معاها زيت زيتون وفركتي بها فروة الراس..تطلّع الشعر إن شاء الله
ينقعونه في الماي و يغسلون الشعر فيه
مشكـــورة على النصيحه
مشكورة
جزاكم الله خيرا