أنا رحت عند دكتورة نبيلة في البريمي ربع زوجي دلوه عليها وقالوله ان حريمهم كلهن احملن يوم راحولها .. أنا طبعا ً أعرف ان وااايدات منكن ما يقدرن يروحن البريمييييييييييي ..
عشان هشكل بعطيكم تفصيل مبسط للقالتلي اياه وفادني والحمدلله رب العالمين من أول شهر ..
طبعا ً واايد روحولها من الكويت وقطر والسعودية ولازم ابموعد لأنه زحمة واااايد
المهم /
أول شيء قالتلي
1-أنت عندج تكيسات ولازم تاخذين كلوكفاج مرتين في اليوم ..
2-وخففي من السكريات خاصة المانجو والعنب والأنناس والأشياء السكرية بكل أنواعها حتى الطبيعية ..
3-عطتني منظم للهرمونات آخذه اليوم الواحد والعشرين للدورة مرتين في اليوم لمدة خمس أيام ..
4- سوي رياضة واشربي دبتين ماي كبار كل يوم وحطي في الدبة الأولى قرص فيتامين سي فوار
5-امسحي أيام الدورة ..
وعطتني خلطة أعشاب قالتلي خذيها يوميا ً مرتين في اليوم قبل الغدا وقبل العشا بنص ساعة حتى يصير حمل ….!
الخلطة::
**ملعقة صغيره مرامية مطحونه
**ملعقة صغيرة مردقوش
احطهم في الدلة وأصب فوقهم كوبين ماي مغلي .. أشربها بارده .. يعني أصب في الكوب وأغطيه لحد مايبرد ..
6- سوي رجيم ،، كلي خبز أسمر ،،وتفاح أخضر وصحن سلطة صغير بدون ليمون ولاملح قبل الغدا يوميا ً ..
7-طريقة الجماعه وأيامها ..
**الخمس الأيام الأولى من الدورة تكون حرية في الجماع..
الأربعة الأيام التالية مافيها جماااااااااااع ..
** الخمس الأيام إلا عقبها يوم بيوم .. يعني يوم هي ويوم لأ ..
الخمس الأيام بعدين تكون حرية في الجماع ..
وابصراحه هذا العلاج فادني وماشفت الدورة عقبه ……
اللهم أرزق كل محرومه بالذرية الصالحة ..
بس بقولج أنتي تقولين انا الدورة ما شفتها هل حملتي والا شو ؟؟؟
المشاركة الأصلية كتبت بواسطة nano1984 
بس بقولج أنتي تقولين انا الدورة ما شفتها هل حملتي والا شو ؟؟؟
الحمدلله رب العالمين طلعب حامل بنفس الشهر
المشاركة الأصلية كتبت بواسطة نجمة اليم مبروك ألف مبروك نجمة اليم .. إن شاء الله ربي يتمم عليج بالخير 