بنات محتاجة مساعدتكم
و بالأاخص بنات راس الخيمة
أنا عندي إلتهاب في المعدة
بس للحين مب واضح سبب هالإلتهاب
كتبوا لي وايد أدوية و كلها تكسر جسمي و متعبتني وايد
شي دكتور قال لي ان السبب هو جرثومة المعدة
هو عرف ان السبب جرثومة المعدة بس من خلال تحليل دم
و انا قريت ان جرثومة المعدة ما يكشفون عنها بتحليل دم ابدا
لازم فحوصات ثانية مثل:
تحليل براز
منظار للمعدة
اختبار النفخ
و انا حبيت اختبار النفخ وايد سهل و بسيط
يعني أنفخ بماي أو بكيس بلاستيك اذا تغير لون الكيس او الماي يعني ما عندي الجرثومة
إذا ما تغير يعني الجرثومة موجودة
و سمعت إن براس الخيمة الدكتور مرتضى يسوي هالاختبار عسب يعرفون لو فيني جرثومة المعدة
لكن الدكتور مرتضى ما شالله عليه من قبل رمضان و هو إجازة
كل ما اسير اشوف كاتبين ورقة ان هو مب موجود بصراحة وايد تأزمت نفسيتي
ساعدوني خواتي تعبت دوم أحس بدوخة و غثيان و آلم في فم المعدة
اللي تعرف عيادة عندها اختبار النفخ تخبرني يزاكم الله خير
ملاحظة: أنا مب صاحبة النك نيم أنا ربيعتها.. و أنتظر ردودكن و لا تبخلون علي
الله يشافيج و يعافيج
مشكلتي ما اقدر اطلع برا راك و ان شالله الاقي العلاج اهنيه
انتظركم خواتي
سويت منظار في مستشفى بالعين .. وعطاني ادويه واااايد ><
بس انا ودرت الادويه وبلعت خيله
والحمد لله رااااحت بدون رجعه
وهذه تجربتي .. يمكن اتفيدج ويمكن ماااا اتفيدج
والسموووحه ^^
شو يعني الخيلة؟
حاولي تاخذين قطعة صغيرة بالاول وبعدين اكبر بالتدريج يعني لأن فعلا لها ريحة قوية لكنها نافعة بإذن الله
اسألي عليها محل الأعشاب …
الخيله = الحلتيت
الخيله مسمى إماراتي والحلتيت هو المسمي المعروف به
الخيلة
عبارة عن حبات صغيرة تميل للون الأصفر ولها رائحة قوية مثل رائحة البصل والثوم
لكنها تعالج كثير من الأمراض بإذن الله
للمصابون بالكولون مفيد للمغص والغازات والديدان والإمساك.
الثالول : اذا خلطت الخيلة مع دواء الأيدين الأحمر (الذي يساعد على التآم الجروح) و يمسح على الثالول فمن اول مرة يجف و يبرئ.
-مفيد في التئام الجروح (ينقع في ماء ويرش الماء ع الجرح)..