إستفسار حكم لبس العباءة فوق الكتف؟؟؟؟ 2024.

بنات أنا عندي إستفسار بسيط بغيت أعرف حكم لبس العباءة فوق الكتف

لأني أعرف بنات يلبسون عباءة فوق الرأس ويقولون حرام البنت تلبس

العباة على الكتف صراحة يشككون في الواحد شورو علي الله يخليكم

مع العلم إني ألبس عباة فوق الكتف بس عادية سادة ومب ضيجة

اختي المشكلة مش مشكلة الزينة وأنها مش ضيجه الحرمه فكونها عالجتف لأنها تبين حجم الكتف والصدر حتى لو قلتي أن هالشي مش ملفت لكن نظرة الرياييل غير وعلشان اتعرفين أكثر أباج تقرين موضوعي دعوة للرجوع للحجاب الشرعي وبتستفيدين إن شاء الله

مشكوووووووووووووووورة إخت أم السعغ والليف وفي ميزان حسناتج إن شاء الله

هلا والله شحالكم بنات
الصراحه اختي الهدى السبب في تحريم عباة الكتف أنها مثل البشت يعني تشبه بالرجال
وانا الحمدلله الله هداني ولبست عباة الراس والله راحه نفسيه تحسين عمرج ملكه ولا أحد يقدر يقرب منج
اتمنى أكون أفدتج لو بشي بسيط

مع أحترامي لكم أخواتي اللي أعرفه مافي نص من الكتاب أو السنه يؤكد ويلزم أن العباة تكون فوق الراس كل اللي أمرنا الله به الستر والعباه العاديه تستر مفاتن المرأه طبعا الفضفاضه مش الضيقه وبصراحه الوحده شكلها يبين عيوز وهي لابسه فوق الراس وتكون متلعوزه كل شوي تثبت العباه علشان ماتنزلق من على راسها ليش هالغلو خليج طبيعية ومستوره وبس …. لاتعتبرون كلامي دعوه للسفور وتحورونه على كيفكم هذا رأيي ويمكن رأي كثيرات غيري مره تقولون تنقبو ومرة عباه عالراس وحاشرينه حشره …

مشكووووووووووورة إخت كل أمالي

وأنا الصراحة في بالي إنه ألبس عباية فوق الراس في الأسواق والطلعات وبيت الأهل عباءة الجتف وبعد تكون سادة

وقلت إن شاء الله بصلي الإستخارة واللي فيه الخير يجدمة رب العالمين

اخت سوكه ماتبين تدعين للسفور وهذا كلامج !!! قال النبي عليه الصلاة والسلام من كان يؤمن بالله واليوم الآخر فليقل خيرا أو ليصمت..لا تقولين كلام ممكن حد يفسره على شي ثاني وتحملين أوزار الناس فميزانج والواحد يالله يالله يتحمل ذنوبه فما بالج بذنوب الناس بالتأكيد ماشي دليل من القرآن والسنة على عباة الراس بس ليش عباة الراس الأفضل لأنها هي اللي فيها كل المواصفات الشرعيه تغطية الوجه واليدين تكون واسعه وكمها واسع وطويلة وماتبين منو اللي لابستنها كبيرة ولا صغيره الله يقول(( ذلك أدنى أن لا يعرفن)) من تلبسينها محد حتى ممكن يعرفج مب تلبسينها علشان يقولن هيه هذي فلانه عرفناها من ويهها أو عباتها أو … ماله داعي نلبس لبس يبن أنا صغار في السن ومحد يلبس هالشي إلا للفت الإنتباه والعباة العاديه اللي ترمسين عنها هي عباة جتف وسيعه لكن تبين الجتف والصدر حتى لو كانت وسيعه وفي أشياء وايد مانزل حكمها في القرآن لكن شو فايدة العلماء !؟؟ هم اللي بينوا لنا وخاصة مشايخ السعوديه عيل هاتيلي مثلا حكم المخدرات والتدخين في القرآن!!!
وبعدين قلتي عن لبس عباة الراس تبين وحده أنها عيوز شو تفسرينها هاذي هل استهزاء ولا شوووو؟؟
انتي اتعرفين شو حكم الإستهزاء بالملتزمين!!!! إذا ماتعرفين بخبرج وبييب لج بعد من القرآن لأنه مب هين هالشي؟؟؟
الله يهدي بنات المسلمين