شحالكم ، عساكم بخير و عافيـَه ؟
بنتي عمرها خمس شهور ، وفيها إلتهاب بالحفاض واااايد
وهي وايد بشرتها حساسه
وفيها اللحين إلتهاب بالمعده مسبب لها إسهال
وأنا كنت دوم أستخدم هجيز و يا السودو كريم للحماية
لكن ما فاد ، جرب وايد كريمات بس بعد ما فاد
اللحين بنتي ما تضحك ما تلعب طووووول اليوم تصيح ، صياح فظيع
سرت العياده بس ما احس شي فايد
وعطوني كريم daktacort
انا استخدمه من اليوم ،
أبي نصايحكم من تجاربكم
بليييييز نفسيتي وايد تعبانه
والحمدلله
ربي يشفي لك ياها
اختي السيباميد و السودو كريم ما بينفعووونج .. اسمعي نصيحة مجربه ..
شوفي انا استخدمت لبنتي الكريم اللي ذكرتيه و وايد نفعها و خااز الالتهاب .. الحين رجع لها ما اعرف ليش ..
ترا ممكن تكون نوعية من الاكل سببت لها الحساسيه .. انا يوم بديت احط بسكويت في الرضعه يتها الحساسيه و الحين وقفت من كم يوم بس بعده ..
نصحوووني بزيت زيتووون اصلي مب مال البقااله .. ادهني بنتج و خليها بدون حفااظ لازم يدقها الهواا الشوي .. عاد مب مجابله المكيف عن تمرض ..
و وحده قالت لي ادهنها بفازلين بس تكون كميه كبيره علشان تمنع ان البلل يصيب مكان الالتهااب .. و فعلا جربت و نفع بس المشكله انه البامبرز قام يسرب ..
و لا تنسين تغيير الحفاظ باستمرار .. انا عني من الخوف كنت اغيره كل ساعتين جان خيست عمرها و الا لا ..
خلاصة الكلام كله .. الكريم اللي عطووج اياه وايد زين .. جربي مرات تدهنينها بزيت زيتون و مرات بفازلين ..
لازم يدقها الهوااا ..
اختي اذا انتي من بوظبي دوري كريم اسمه _ ميدو كريم _ هذا مال الحساسيه .. جربته لبنتي و واااااااااااااااايد فادها .. المشكله انه خلص عني و مب محصلتنه بإمارتي .. انصحج بهالكريم وااايد اووكي ..
اختي مافي غير تستخدمين كريم اسمه lotriderm وااااااااااااااااااايد رائع يخوز الحساسيه من اول يوم بس اتحملي لانه فيه كمية كورتيزون ف يوم بتستخدمينه اول يوم حطيه الصبح مره و في الليل مره
و اول ما تحسين ان خف اسنخدميه بس مره وحده و مووووول لا تكثرين لان هالماده مووول مب زينه كثرتها ,, و يوميا بين الفتره الي ما تحطين فيها الدوا حطي سودو كريم عشان يسوي طبقه تحجب بشرة البيبي عن الحفاظ.. عن تجربه و اذا بغيتي اي شي ثاني تواصلي ويايه على الخاص
انا عانيت ويا بنتي من الطفح من هي في الاربعين وما خليت عيادة ما وديتها … لاكن ما شي فايدة … ووالله ان لحمها كان طالع من الالتهاب … والحمدللة من جرب زيت النارييل … حسيت بالفرق من اول يوم … ووالله انه بارد على الالتهاب ولا يحرق … ويساعد على نمو الجلد …
ربيعتي بنتها كان يطلع لها دم من زود الالتهاب ومن حطت اللوز وخلنها بدون حفاظ الحمد لله راااح وافنكت