إلى كل ام إليك غاليتي يانبع الحب ونبراس الأمل "مشاعرنا" 2024.

تذكري وياي هاللحظة..

لحظة لميتي على صدرج ولدج/بنتج لاول مرة.. بعد تعب الولادة.. وقبله تعب الحمل.. بعد معاناة وصبر شهور.. هذا هو جنينج بين ايدج..
.. تذكري اول ماحطيتيه على صدرج وقام يشرب حليبج .. أو بالأصح يرتوي بحبج بحنــانج .. يدفى بحضنج.. .. .. تحركت مشاعرج صح..؟؟

تذكري سهر الأيام الاولى .. الامومة لاول مرة.. تحاتين الياهل في كل ثانية .. تذكري كيف ترتبشين وتخافين لما يصرخ .. وإذا طول صريخه وانتي ماعارفه اشفيه, تصيحين وياه إهههههئئئ ..

تذكري لما ياه المغص ولما تباتين سهرانه عليه.. تذكري خوفج وحبج اللي مبين في عيونج وتصرفاتج.. تذكري لما كنتي تغيري الحفاض.. لما تحمميه وتلبسيه وينام مرتاح كيف ترتاحين..

هذي هي الام … كلها حب كلها حنان ..

كلها صبر وتضحية..

كلها لهفة وكلها امل..

ياااااااااااااه .. كيف هالإنســـــانة عظيمة!!!

…………………………………………
…………………………………………

كـــــل وحدة فينا ياأمهــــــــات أبيها تكتب شي:

مشاعرج كأم.. مشاعرج اتجاه ضناج..
تعقيبج عالموضووووووووووووووع..

… تجربتج ويا طفلج الأول……..

طلعن مشاعركن … اطلقن لها العنان..

فضفضن … فضفضن من الخــــــــاطر

…. وخلونا نشوف مشاعر بعض ..

لأن كل مايجمع بينا في هالصفحة .. هو إننا (أم)

.. وفالأخير..

يارب تخليلنا عيالنا وتحفظهم وترزقهم الصحة والهداية.. وتجعلهم من الصالحين البارين..
..آآآآآآآآآآآآآمين..