جربي شسمه ماي بصل لشعرج فالاسبوع مره
استخدمي زيوت طبيعية انا عن نفسي زيت براشوت حطي الزيت ودلكي فروة راسج و بعد نص ساعة او ساعة اغسلي شعرج بماي دافي وحطي شامبو مناسب لشعرج مثل دوف للشعر المصبوف او للشعر التالف وعقب ماتغسلينه حطي حمام زيت مثل فاتيكا او براشوت او فاشكول بالثوم وحطيه وبعدين دلكي فروة راسج و حطي على راسج فوطة حارة او حطي عليه سشوار من بعيد يعني البخار ماله 5 دقايق وبعدين غطي شعرج 10 دقايق وبعدي اغسليه وحطي شوي شامبو بعد حمام الزيت وعقب مااتغسلين شعرج حطي بلسم واغسليه على طول وعقب ماتطلعين من الحمام وتنشفين شعرج حطي زيت الحيه على شعرج بس مسحه وخلي شعرج مفتوح ولاتمشطينه الا بعد مايجف شعرج لاتستخدمين حمام زيت او اي زيت اكثر عن مرتين في الاسبوع ولاتحطين سشوار ولا اصباغ ترا يخرب الشعر وخذي فيتامينات من الصيلية وكلي حبة وحدة بعد الريوق واستمري عليه وان شاءالله بيعتدل شعرج والسموحة