والله ياخواتي بموت قهر من زوجي من اسبوعين سافر ولا اتصل يطمن علينا غير مرتين يعني كله انا الي اتصل اطمن عليه و اطرش مسج اصبح وامسي عليه بس مافي فايدة
قبل شوي دقيت عليه ااااااااااااااااااااااااااااااااااه لو تعرفون كيف كانت طريقة رده لي وقسما بالله ياخواتي من غير مايراعي مشاعري قالي انتي شو عندج متصلة قولي شو عندج وفكيني ويصارخ ماكان عندي رد سوى كلمة مع السلامة وعقبها طرشت له مسج كلمة شكرا بنات انا قررت ما اتصل فيه من يوم ورايح دخيلكم لو انتم مكني شو هي ردة فعلكم ساعدوني ابغي اخليه يتندم ع الحركة هاي خواتي فكرت اكتب له مسج ان هاي اخر مرة اتصل فيك مادام مادام انه ماحترمني ساعدوني فديتكم
سفرة سياحة
وبالنسبه ان ما يتصل تلاقينه لاهي ويا ربعه
معروفين الشباب يوم يتجمعون يستانسون مع بعض
وتلاقينهم من مكان لين مكان
وين مسافر ريلج
منـي لا تتصلين عليه
ادري ما بتصبرين تبين تتطمنين عليه
بس مني لو سمعتي نصيحتي انه ما يعيد ها الحركه
لا تتصلين عليه
بس طرشي له مسج ..مضمونه ..
الله يساامحك ع اسلوبك معاي وانا ما كنت ابا شي منك كنت ابا اطمن علييك ..الله يحفظك ..
ولا عاد اطرشي اي مسج من عقب هذا ولا تتصلين عليه
حتى لو ما اتصل لج او رد عليج بمسج خليه