ابا اسوي تلقيح الصناعي 2024.

مرحبا خواتي شحالكن
الدكتوره قالت لي اسوي التلقيح الصناعي لانه ريلي عنده العدد قليل والحركة بطيئة
بغيت اتخبر البنات اللي مجربات التلقيح هل فادهن ؟
وين سويتنه ؟
ومنو حملت بتوام ؟
واهم سؤال يعورر؟؟؟؟؟
اتريا ردودكن

هلا اختي
انا بخبرج عن تجربتي ….يعني انا هالشهر سويت تلقيح صناعي وللحين اتريا النتيجه
وان شاء الله خير واطلع حامل

طبعا التلقيح الصناعي اطمنج ابدا مايعور ولا تحسين بشي الحمدلله ولا يحتاي مخدر
خطوة بسيطه جدا
الدكتوره تقول نسبه نجاح التلقيح الصناعي 20% بس

وقريت وااااااايد مواضيع للي جربن التلقيح …ولا تيأسين من الردوود والتجارب
لأنه فالاخيير نصيييييييب

توكلي على الله اختي ..وان شاء الله تفرحين بعدها

ان شاء الله بسويه عقب العيد
وان شاء الله خير

الله يرزقكم خواتي بالذرية الصالحه والله يفرح قلوبكم

وان شاء الله التلقيح ينجح و تبشرونا بحملكم

الله يسهل عليج وتبشرينا بحملج
ومتوكلين على الله

[QUOTE=الأصالة;43104147]ان شاء الله بسويه عقب العيد
وان شاء الله خير[/QUOTE

ان شاء الله وانا بعد ناويه اسويه بعد العيد

الله ايسر عليج اختي الغاليات ،، انا سويته وربي ماكتبلي حمل وفي وايدات يسون والحمدلله يصير حمل وهاذي ارزاق بيد ربنا ،، واطمني حبيبتي ما يعور ابدا ،، انا اخاف واايد والدكتوره تتعب معاي وايد بس الحمد لله كل ما كنتي ريلاكس كل ما سهلتي عنفسج وكل ما زادت فرصتج للحمل باذن الله لاني لما تتوتري تسكري الانابيب فخلج ريلاكس والعمليه سهله وبسيطه وايد وما تاخذ اكثر من ٥ د بالكثير .. انا سويتها فالفجيرة عند د. ايمان فمركز الشرق وماشالله عليها الدكتوره طيبه ومريحه وايدها خفيفه واطمن المريض وربي يوفجج ،، لاني افكر اذا ماصار لي حمل اعيده بس فمركز اخصاب متخصص بس ما عارفه للحين وين اسويه