شحالكم حبيباتي ؟؟؟
ابا طريقة الفلزي و الخنفروش ^^ ساعدوني يحلوات ^^
9 أكواب من الطحين
ثلاث أكواب ونص من الماء
كوب حليب بودرة
ثلثين كوب سكر
ملعقة وربع خميرة فورية
ملعتين ونص بكنج باودر
ملعقة وربع ملح
الطريقة:
1. تخلط المقادير اللي فوق كلها باليد لين تحسون إن التعب أخذ منكم كل مأخذ
2. تترك العجينة لمدة 3 ساعات ترتاح من هالتعب بعد أن تغطى وتوضع في كيس حتى تختنق من الحر
طلعوا الوعاء أو القدر وبتلاقونها انتفخت (انصدمت لما شفتها بالانتفاخ هذا.. كانت عجينة صغيرة) )
3. تؤخذ قطع صغيرة وتكور مثل الصورة التالية
4. وتفرد القطع كلها مرة وحدة وتترك حتى تتعرق (غطوه بـ سماط نايلون) لمدة خمس إلى عشر دقائق.
5. وتشوى على التاوة (مادري شو تسمونها )
6. وتوضع في طبق التقديم بعد أن ترش بالدهن او الزبدة السائحة والمشاوة أو المهياوة(معروفة عندنا) بس ما أحبها
اما الخنفروش
المقادير :
1 سميد
3 بيضات
2 كوب سكر
1 ملعقة صغيرة بيكنج باودر
1 ملعقة كبيرة خميرة فورية
2 ملعقة طحين رقم واحد (أنا آخذ بحجم ملاّس الصالونة )
هيل مطحون
زعفران
ملعقة صغيرة و نصف ***م ( ما حطيت بصراحة )
ماء ورد ( أنا ضفتها من عندي لأن طعمها يطلع لذيذ )
ماء ( حسب الحاجة )
و زيت للقلي
الطريقة :
تحطين المقادير الجافة كلها مع بعض ، و بعدين تحطين البيض و ماي الورد و تخلطينهم و تصبين شوي ماي لين تتكون عندج عجينة قابلة للصب
القلي :
تحرّين الزيت عالنار و تاخذين كمية من العجينة بملعقة و تحطينها بشويش في الزيت بحيث يكون شكلها دائري و تقلين عادي ، لما يستوي لونها ذهبي أو بني فاتح تظهرينها
طريقة عمل الشيرة :
3 كوب سكر
2 كوب ماء
قطرات من عصير الحامض
تحطينهم على النار إلين تحسين إن قوامه صار ثجيل ، بعد ما تخلصين من القلي و يبرد عندج الخنفروش أو لما تبين تقدمينها تحطين عليها شيرة ساخنة ،،
