ابا معلومات عن الشويفات فرع خليفه 2024.

السلام عليكم

بسأأألكم .. عن مدرسه الشويفات .. فرع خليفه ..

خبروني شرايكم ب هالمدرسه الكل يمدح تدريسهم

ناويه ادخل ولدي كي جي ون … هل تأسسيهم ممتاز ..؟

وصدق يطلعون من هناك ساعه 3 ؟؟؟ وكم بريك عندهم ؟؟

ويوم يطلع من كي جي ون شو اللي يكون تعلمه واستفاده؟

واللي دخلت عيالها هل ندمتووو انكم دخلتوهم هالمدرسه ولا العكس ؟؟؟

فيدوووني عن هالمدرسه من كل النواحي ؟؟؟ الايجابيات والسلبيات ؟

للرفع …

بقولج تجربتي اول شي المدرسة عالمية انترناشنال موجودة في امريكا والمانيا واغلب دول العالم
وتاسيسها وايد ممتاز وبيرفكت والسنه ماشالله مهتمين في العربي والدين والتربية الوطنية ويزرعون الوطنية في الاطفال كل يوم الساعه 8 يحطون لهم النشيد الوطني ويخلون واحد من الطلاب يرفع العلم ويعلمونهم كيف احترام النشيد الوطني
شددين شوي وصارمين
وبخصوص لين الساعه 3 وعشر انتي فكري لو رجعوا عيالج بدري البيت شو بيسون مب بيلعبون او يضاربون او يدرسون ترا نفس الشي هم يرجعون مخلصين واجباتهم ومدرسينهم يرجعون البيت تغدينهم ويلعبون شوي ويرقدون احس تنظم وقتهم
وعندهم بريكين بريك ريوق وبريك غدا التاسيس ممتاز جدا فيها انا ما ندمت الحمدالله وماشالله عندي اثنين وناويه اسجل ولدي الثالث بس دراستهم صف اول مشدده ويدرسونهم اول 3 اسابيع والاسبوع الرابع امتحان ومن كي جي ون يكون عندهم دفتر قراءة ويتعلمون كيف يقرون
بس شوفي الغاليه كل شي في هالدنيا له اجابيات وسلبيات وشي طبيعي يكون له سلبيات
مثل الاختلاط لين اخر مرحله وبعض المدرسات مالهم بارض
انتي وحظج سوي سيرج عنها وشوفي كلام الباقين واستخيري وما خاب من استخار وبالتوفيق

انا بعد افكر انقل ولدي هناك

ما شاااااءالله ما قصرت
BusinesS_Women

نحن حاولنا نسجل ولد اختي بس كله فُل، واللي فخليفة حطوه فالويتنغ ليست

ما ادري اذا يستوي نحوله عالفصل الثاني؟؟؟؟
لان المدرسه اللي فيها حاليا مو لهناك

انا ابنى فيها الحمد لله ما فيها كلام مدرسة ممتازة
بالتوفيق ان شاء الله