شخباركم؟ ان شاء الله بخير 
ممكن افضفض بصراحة اليوم وايد متضايجة ومب عارفة شو اسوي
صعب الفراق // وايد صعب الفراق وفي وايد اشياء انا ندمانة مننه
بدينا الدوام حوالي شهرين // وطبعا كان تدريب ونتيمع كل الشباب والبنات في كلاسات ,, مع اني كنت هادية وما يخصني في حد …بس تعودت على الوضع … وتعودت على زميلاتي وزملائي ..في منهم ويوههم لوح وفي منهم هاديين وفي منهم مرحين .. بس هم يكملون بعض في النهاية …
كنا كمجموعة وحدة …طبعا انا وايد كنت ويا البنات ..وما كنت اسولف ويا اي حد من الشباب … وكأنهم مب موجودين..!! يعني كملنا شهر ويا بعض …والحينة !! فرقونا كلنا,,, وزعونا على الاقسام يعني كل حد بروحه ..!! هالشي وايد ضايقني يعني يقدرون يفرقوونا عقب العيد ..!.! والله وايد متضاااايقة لاني وايد اتذكر ايام الجديمة ..اتذكر زملائي وزميلاتي …واتذكر ايام اللي كنا ويا بعض ..!!! وقلوبنا على بعض …والحينة احس ان شي ناااقص في حياتي
وبنفس الوقت انا ندمااااااااااااااااااانة من وايد اشياء …
ندمانة على هدوئي خلال شهر … والله كنت واااااااااااااااااايد هادية لدرجة ان كانت عندي اسئلة وما كنت اسآل عنها المس ….
ندمااانة اني ما كنت اكلم الشباب ..كنت اقول لا مب زين فضيحة البنت وسمعتها ..!! بس والله ندمانة اني ما كلمتهم لان لازم اتعامل وياهم في المستقبل …تخيلوا خلوني ويا اثنين من الزملاء كانوا وياي في التدريب ..وانا مول مب متعودة ارمسهم …والله كنت مستحية وندمااااانة اني ما تعودت عليهم قبل …
ندماااانة اني ما تركت بصمة في التدريب …الحينة حتى يوم طلعت من التدريب محد بيتذكرني لاني كنت خجولة وما كنت اكلم حد …يعني ولا كاني سويت شي في حياتي ….وانا مب متعودة اكون جي …
وفي واحد ويانا في الدوام ..وايد كان يساعدني في الشغل وطور مهاراتي ..تعودت علييييييييه وايد …مع اني ما كنت اكلمه الا في حدود الشغل ..بس تعودت عليه ..<< لا تلوموني بس تعودت عليه والله متضايجة لانه هو مب وياي في القسم
افففف شو اسوي من الضيجة يوم اتذكر قبل قلبي يعورني …ما ابي افترق عنهم وبنفس الوقت ندمانة شو اسوي …يالسة في المكتب اليديد وكله اتذكر مال قبل
مجرد فضفضة …والله نصيييييييحة نصييييحة …لا تقولون في الشغل ان لازم نكون هاديين وما يخصنا في حد …لازم تبرزون اعماركم // وحطوا بصمة في المكان اللي انتوا فيه …والله بتندمون اذا طلعتوا من الدوام وما سويتوا شي ولا حد بيتذكركم …وانا جي كنت ما كنت اكلم حد من شباب ويانا وكنت هادية بس والله ندمانة قد شعر راسي …الحينه اقول في خاطري دام اني كنت بكلمهم في حدود الشغل فليش كنت ساكتة
مجرد فضفضة …بليز خففوا عليه لاني وايد متضايجة لدرجة اني ما ابي ارمس حد كيف اخفف عني ندمي ما ابي قسم يديد ابي ارجع واصلح اخطائي
وهذي الدنيا مو دايمه لحد كل يوم شيء جديد
واذا انتي تحبين تكونين شخصية اجتماعية حاولي دائما تتكلمين مع زميلاتك بالعمل
والحياء شيء جميل للبنت
تعرفين وش تندمين عليه ..؟! على يوم نضيعه بدون اجر …..
هذا الندم في الدنيا مضيعة الوقت في شيء ماانستفيد منه في الاخره ..
عاشر من تعاشر فلابد من فراق
لاتعورين قلبج فديتج وان شاءالله بينكم ايام وراح تجمعكم ولا تنسين انه فيه في الحياه صدف وان شاء الله راح تجمعكم
بالعكس هالشي بيعطيج دافع عشان تثبتين انج احس وتقدرين وهالاحساس بالندم بيخليج المرات الثانية احسن في شغلج
لتكبرين الموضوع عادي طوفي الحياة حلوة
فضفضتج حلوه دمتي بكل ود