ابي حد يزيح القلق اللي في داخلي 2024.

أول شي السموحه لاني احس اني اثقل عليكم في مواضيعي , بس انا وحده ما احب اشكي لمعارفي هذا طبع فيي ما اقدر اغيره , بس ارتاح لما اشكي لكم , اتحملوني شوي ..

سبب الموضوع هـو :

اربيعتي عرسها جريب , و هي وايد جريبه مني و انا بعد وايد وياها , انا مستانسه لها, بس الناس يقولون حقي اللي تعرس تنسى ربعها و يقولن حقي انسيهاا لانها بتعرس و ما بتفضى لج , و انا ما ابيها تنساني لاني وايد متعلقه فيها , ابي نصايحكم عسب ماتنساني .. و اللي مجربه و اربيعتها المقربه لها وايد عرست تقول لي اذا نستها بعد العرس او لا ..و كيف احافظ على صداقتي وياها , للعلم انا متفهمه انها بتعرس و من الحين اعود نفسي اني اتعامل معها كوحده معرسه , و عادي لو تتغير شوي , بس انها تنساني لاااااااا , يعني حرام بعد هالعشره تنساني بعد ماتعرس , شي ثاني بغيت اقوله لكم اني في مره سألتها بتنسيني بعد العرس , حلفت و قالت مستحيل انساج , و قالت بالعكس بخليج تزوريني لما ريلي بسير الدوام ..

بس بعد احتاج حد يزيح القلق اللي في داخلي , لانها مب صديقه وبس بعد اعتبرها اخت عزيزه و مابي افقدها ..

اللي مرت بتجربتي تقول حقي كيف حافظت على صديقتها , و تقول اذا حست ان اربيعتها ماتعزها شروى قبل ..

و بكون شاكره لكم حبايبي .

و ابي استفيد من تجاربكم بعـد ..

اختكم : وحيده بدنيتي ^^

أم عمر مافهمت @@

عالعموم مشكوره عالمرور الطيب

هي لو وحده مخلصه ما بتنساج وبتسأل عنج بين فتره وفتره لانه شي طبيعي العلاقه ما بتكون مثل قبل لانها هي بتنشغل وخصوصا بعد ما تيب عيال لو الله رزقها انا عندي ربيعتي معرسه من 4 سنين قبل كنا تقريبا يوميا اتصالات وسوالف بعد ما عرست الحمدلله ما نستني بس قلت اتصالاتها بسبب انشغالها بعيالها بس انا عن نفسي عادي ما تأثرت وايد لاني متفهمه ظروفها لكن الحمدلله مش انها نستني ودايما هي اللي تتصل صحيح تتصل على فترات متباعده بس فيها خير …. هو بصراحه من بعد ما تتخرج البنت علاقاتها مع ربيعاتها تقل لانها تقعد في البيت وكل وحده مشغوله بشي اللي تعرس واللي تشتغل وجذي السوالف حتى تقل وفي عندي ربيعه بعد ما عرست انا اللي ابتعدت عنها صراحه لانها اهتماماتها مب نفس اهتماماتي وانا مليت منها …. وانتي لا تتأثرين وايد لانج بتتعودين بتشوفين انها هي اهتماماتها غير عن اهتماماتج فانتي نفسج بتقللين اتصالات اما لو هي قطعتج مره وللابد فهاي انسانه مب مخلصه الزواج مب نهاية كل شي بالنسبه للبنت

مشكوره آنسه _ ساره

بس ما اعتقد اني بمل منها .. شي ثاني هي ماتدرس بس بتعرس

اكرر مشكوره على المرور

وانا انصح كل وحده انها ما تتعلق بربيعتها وايد اوكي الصداقه حلوه لكن مب كل شي يعني لا تخلين الصديقه هي كل شي بالنسبه حقج في حياتج