جماعة في طبخة كرات البطاطس بالجبن بس يزيدون فيها يحطون داخل الكور دياي
ماعرف اسويها ممكن اللي تعرف تقولي الطريقة
ومشككووووورين
تسلقين البطاطا و بعدين تضربينها بالشووكة لين تستوي لينة شرات البوريه
تاخذين اللحم المفروم أحلى أو الدياي و تحطين له البهارات اللي تحبينها و تكورينها كور صغيرة
تاخذين كويرات الكفتة او الدياي و تحطينها بقلب البطاطا و تصنعين كويرات حجم صغير
يعني كل كورة بطاطا بداخلها كرو لحم مفروم و اذا بغيتي تغلفينها بالبقسماط و ترتبينهم داخل صينية الفرن
تاخذين سبانخ و مشروم و تقلينه مع البصل + بهارات من اختيارج " و هذه مجرد إضافة بس حلوة و نغذية "
و تصبين الخليط فالصينية فوق كرات البطاطس .
تسويت البيشاميل و اللي هي : نذوب 3 ملاعق زبدة ثم نضيف نصف كأس طحين ثم نص لتر حليب و نخلي الخليط
لين يثقل و تتكون البيشاميل ثم نرفعه من فوق النار
نصب الخليط فوق البطاطا و نغطيه كامل من الأطراف و نرش فوقه جبن مبشور من اختيارج + قطعة صغيرة زبدة .
ندخله للفرن لين يتحمر الوجه و بالهنا و العافية .
ملاحظة : اللحم المفروم عادي تحطينه داخل البطاطا بدون ما يحتاج للطبخ لكن الدجاج لازم ينطبخ من قبل
كفيتي ووفيتي
*
هاي الطريقه بس ترومين تحطين حشوة الدياي داخلها