سلام عليكم ورحمه الله وبركاته
اشحالكم بنات وسيدات
والله مااعرف اذا هالقسم مناسب ولا لا
اسفه طولت عليكم …
ولله واااايد خايفه 24 ساعه اتخيل المقبره كل ماغمض عيوني اتخيل المقبره والموت
احس عمري بموت واتخيل كيف بيكون شكل المقبره وشوبسوي
وقبل عادي ماافتكر بس من اسبوع كل تفكيري فهالشي
وحتى اذا تأخرت عن الصلاه مثلا اكون برع واذن والله يبنات اودر اللي عندي وبسرعه رد البيت عشان اصلي ..
وااايد وااايد خايفه مااعرف كيف اوصف لكم حتى اطلع بسياره اتخيل واقول فخاطري يمكن اسوي حادث واموت وبعدين كلهم بيودروني وانا فالقبر..
ودي اقعد فالبيت مااطلع موول ولا ودي اسير الدوام ولا اسوق ..
والله مب عارفه وايد خايفه
الله يخليكم ادعولي من خاطر ..
المشاركة الأصلية كتبت بواسطة شما المحيربي 
مشكوره يالغاليه
انا اشوف انه هالشي زين عشان لانلتهي عن آخرتنا بالدنيا ومتاعها الفاني
اللهم انا نسألك حسن الخاتمة
الموت يخووف لكنه حق !!
حطي ف بالج هالشيء اللي كاتبه الله بيستوي
وعيشي حياتج عادي نفس قبل
لانه اانا صرت شراتج من توفت يدتي الله يرحمها 
يوم يكون الموت مفاجأ وما تتوقعينه تصير عندج مثل الصدمه .. وتيلسين تفكرين انه ممكن يصير لج نفس الشي فجأه ..
لكن الغاليه الموت بي حق الانسان حتى لو كان يالس فلبيت وما يسوي شي ..
فاللهم انا نسالك حسن الخاتمه ……….