انا متضايجه وفيني الصيحه وصج مصدووومه
وزني كان 68 .. وقررت اسوي دايت اوصله 55 ..
من شهر 4 .. بديت ف الدايت كنت تقريبا يوميا امشي اكثر من نص ساعه ومخففه اكل واااايد ساعات ما اتريق ..
وع الغدا كم لقمه واقوم .. واتعشا خفيف .. نزلت بالضرابه وصلت 64 ..
الحين من الاسبوع اللي طااااف يوم الجمعه كل يووووم امشي ساااااعه كامله .. ومخففه اكل بالقووو .. كله سلطات وف الليل سندويجه واحده وطول الليل اتقطع من اليووووع ..
اتخيلوا اليوم وزنت وزني نفس ماااا هووو ما نزلت ولاااا حتى ربع كيلووو ..64 .. انا امشي من الجمعه واليوووووم الجمعه كملت اسبوووع .. وع التخفييييف المفروض انقص ع الاقل 2 ولا 3 كيلوووو .. ليش وزني ثبت …؟؟
مع اني اكرف كل يوم ساااااعه مشي سريع ؟؟
ومسويه دايت ف اكلي ؟؟
مقهووووره ><
ومن القهر كلت جبس غياااااض ><
انتي مب قاعده تاخذين حصتج الكافيه من السعرات والاحتياجات..
فالجسم في هالحالة يخزن الدهون لانه يحس بالحرمان
اكبر غلطة انتي تسوينها انج ما تتريقين…
معروف اللي يحافظ على وجبة الريوق ينقص اكثر عن غيره
حافظي على الوجبات الثلاث الرئيسية و سناكين فاليوم
غيري نمط اكلج وبينزل وزنج بعون الله
لاتتضايجين ولا شي
بالعكس هاشي طبيعي انج ما تنزلين بالرغم من العذاب والهلاك اللي تسوينه
لان الجسم في فترة الريجيم يمر بمرحلة ثبات الوزن … اقري عنه في قوقل .. وايد بتستفيدين
واعطلج معلومة حلوة … مرحلة ثبات الوزن = تغيير مقاسات الجسم
كل ما ثبت وزنج كل ما تغيرت قياسات الجسم وخفت
يعني لا تخافين
وعقب مرحلة ثبات الوزن يوم يبدا الوزن ينزل. بينزل لج بالجرامات فقط يعني بعد مب وايد….
لاتتضايجين
غايضي وزنج وعانديه شرات ما يعاندج
انا احيدتميت اكثر عن 3 شهور وزني ثابت بس جسمي تغير وايد
من قياس 18 قمت البس 12
الحمدلله على كل حال
هذا شي ,,,
والشي الثاني … ان اكلج قليل جدا
والجسم ما يحصل كفايته علشان يحرق فيبدأ يخزن ويخزن ويزيد الوزن او يثبت
لازم تاكلين وجباتج ال3 كلها
ويكون عندج وجبة او وجبتين سناك …
شدي حيلج ولا تياسين ^^
والله يوفقج يالغاليه
اتبعي نصايحهم و باذن الله بتنزلين و نزول حلو
انا يوم رصيت ع عمري اكثر وزني ما نزل اتخيلي
والشهر اللي طاف يمكن 5 او 6 مرات كلت حمص
ونزلت كيلوين
شكلي برد اكل نفس قبل بس اخفف شوي
اذا اتسوين رياضه لازم تاكلين لانه ف الرياضه الدهون اللي تنحرق واذا ما تاكلين ماشي دهون