السلام عليكم اخواتي فالله…
حبيت منكم خدمه انسايه لااكثر..
انا زوجي صار له حادث قوي ولله الحمد تشافى بفضل الله… واللحين الدكتور مانعه من انه ياكل اكل تقيل على المعده.. وكذلك اهو شخصيا ينحرج لاياكل ويفضل انه يشرب وخصوصا اصابته كسور بالقدم كامله والحوض واهي خطيره واحتمال على قول الدكتور بيطول العلاج معاه لحد مايرجع طبيعي.. يعني ياعزيزاتي مايقدر يقوم من السرير خير شر… وانتوا اتعرفون الستشفى كيف ..وانا قلبي يعورني عليه وانا احاول بقد مااقدر احسن من نفسيته واحاول اعطيه الفيتامينات وبروتين والكربوهيدات وجميع مايحتاجه الجسم.. بس شي ماينوكل ويفضل يشرب.. مثل المشروبات او الشوربه..
وانا اللحين احتاج مساعدتكم في الاطعه البديله له كشراب
مثلا انا اعوضه بالكالسيوم ويشرب(( الحليب واللبن))
والبروتين يشرب تحديدا((شوربة العدس))
هذا اللي اعرفه وانا احاول بقد ماااقدر اساعده بس ماعندي الخبره الكافيه وتعبت وانا ابحث في قووقل والمواقع والكتب فالله يخليكم محتاجه منكم مساعده من الاخصائيات التغذيه والعضوات اللي عندهم خبره او خلفيه عن الموضوع
ارجوكم افيدوني وساعدوني بالحل؟؟!!
اختكم بالله
دلع قطـر
هلا أختيه .. أولا الله يعافي زوجج ويشفيه 
ويعينج ويكتبلج الأجر في تمريضه .. بدلي شوربة العدس بشوربة الخضار .. يعني يوم جذي ويوم جذي ونوعيله الشوربات… كثري من الروب الزيادي ويا التمر .. ترى وايد مفيد حق العظام ….وسامحيني على الأطالة ..واذا عرفت شي بخبرج …
المشاركة الأصلية كتبت بواسطة جدايل 
هلا أختيه .. أولا الله يعافي زوجج ويشفيه ويعينج ويكتبلج الأجر في تمريضه .. بدلي شوربة العدس بشوربة الخضار .. يعني يوم جذي ويوم جذي ونوعيله الشوربات… كثري من الروب الزيادي ويا التمر .. ترى وايد مفيد حق العظام ….وسامحيني على الأطالة ..واذا عرفت شي بخبرج …
مشكورة وجزاج الله لف خير.. وبيض الله وجه من رباك..
ولاهنتي على الرد الجميل…
وبانتظار المزيد
انا بحاجت مساعادتكم وارائكم جزاكم الله خير اخواتي في الله
ممكن تسلقين اللحم او الدجاج ويشرب المرقه
ممكن شوربة سمك او ماكولات بحريه
وعصاير فريش برتقال ليمون كيوي اناناس ….
ممكن تنوعيين في الحليب مرة ساده مره بالفاكهه مره بالتمر وهكذا
وان شاء الله يتعافي تماما
مااعرف شو اقولج بس حبيت ادعيلج.. وطمنينا عليج..