كل يوم هالموال
تفكير في تفكير
خاصة حق العيال اللي اقل من عشر سنوات
ساعدونا في وجبات خفيفة الله يخليكم……..
أحس وااايد أكرر الهم الوجبات
أنا بناتي ع عمر 3 ونص و سنتين
واااايد أحتار في العشااا
احترنا وياهم … كنت اول اسويلهم سندويتشات اول مرة حبوها وبعدين تمللو منها وبعدين العشا دوم انوع فيه بس ماشي فايدة … والاكلات اللي كنت اسويها
-معكرونه بالبيشاميل
-بيتزا
-صحون ( حمص,بطاطا,سلطه,كاتشب,فول , روب مع خيار)
-قرص ولبن
-بيض
بس مايحبون من اللي ذكرته شي
بس اللي نسويه :
عيش و يا روب
شوربة خضار
كويكرة بالحليب
معكرونه بالجبن
تفاح و يا جبن
سندويش دجاج او لبنه
و ياليته ياكل ..احس اني بصيح و الله على حاله ..مووووووووووول ما ياكل
لكن وين اللي بيساعدونا؟؟؟؟؟؟؟؟
مثلا ني للصمون
هاتي الصمون وقطعي من قطعه مستطيله يعني مستطيل محفور على الوجه
وحطي فيه جبنة حلوم وفوقه جين الموزيرلا وعلى الفرن من فوق …. لذيذ اقدمه اللهم مع سلطة طماطم وخيار مكعبات مع الليمون والملح والزيت زيتون …
ومره اييب السليس واقصه دوائر اقلي البطاط مال البيت على شكل دوائر اييب النعناع الفرش واخلطه مع ملعقة روب وملعقة مايونيز واييب الخس الامريكي واقصه على شكل مثلث
هاتي السليس وحطي عليه خلطة النعناع وبعدين حطي حبة بطاطا مقلي وهاتي التوث بيك (منكاش الاسنان ) وثبتي في قطعة الخس بيكون شكل القوارب في صحن التقديم وتقدرين اتضيفين صدور الدجاج على حسب ميول عيالج للاكل
اييب حبة خبز لبناني من الصغار (الوسط ) اسوي بيض قرص واحطه على الخبزه المدهونه بالكرافت او اي جبن هم يحبونه احط اخر شي جبن السلايس (المربعات ) وشويه في الفرن … كلمة لذيذ شويه عليه
هاتي السليس وغمسيه في البيض وقليه <<< معروف صح لكن هاتي جبن المربعات السلايس وحطي فوقه وعلى الفرن لين مايذوب شويه .. طبقي الحبه وزينيها بحبه طماط …..
طرق العيش
سوي عيش ابيض وشخليه حمري بصله مفرومه وهاتي 3 بيضات وحكيم لين مايحمرون ضيفي نصف حبة طماطم مقشر وحركيه وشوية بزار وملح ضيفي العيش وخليه لين مايستوي العيش زياده بالبخار وقت التقديم خلطي العيش مع البيض …. روعه والصغاريه يحبونه …..
طبخي العيش وقت التقديم حطي في مله على اساس يوم تجلبونه يطلع شكله حلو المهم هاتي البيض المسلوق
وقطعيه بالقطاعه على شكل دوائر حطي البيض على شكل عيون على العيش والفم شريحة طماطم والانف ورج الدجاج لانه اكثر نسبه غنيه بالبروتين عن الصدر
ني لاصياخ الدياي
تبلي دجاج مقطع على شكل مكعبات من العصر تبليه في 2 روب مع ليمون وزيت زيتون وبرشة ثوم فقط
وقت العشا حطيه في صينية الفرن لين مايستوي غرزيه في اصياخ الخشب ودهنيه شويه بالزبد مو وايد
وقدميه مع الحمص ومو اي شكل …خذي مكينة الكريما للتزين وحطي فيها الحمص وزيني فيها الصحن
ني عاد للميني بيتزا واليهال بيخبصون فيها هاتي السليس قصيه دوائر صغار بالاستكانه حطي عليه خلطة البيتزا اللي في الجمعيه ضيفي عليها جبن الموزريلا وعلى الفرن على طوووووووووووووووووووول
وعيالي يحبون افكاري …. يافكارك ياميثانو هاهاهاها