احسن دكتورة في المنظار في الوصل؟؟ 2024.

السلام عليكم خواتي …. شحالكم؟ شو اخباركم؟؟ عساكم بخير وسهالة
خواتي بنت اختي في العشرين من عمرها.. غير متزوجة…
قبل شهرين و نصف سوت منظار لازالة كيس في المبيض اليمين كان حجمه ستة سم تقريبا… نوعه الكيس الجريبي follicular cyst ….
وسوته بره البلاد وقالو ها النوع يمكن يستوي لاي وحدة بس لازم تابع كل شهر احتياطا….
والحين بعد ردلها التكيس بس الدكتورة اللي كشفت عليها بالاشعة قالت ها شكله نوع ثاني اما جلدي او رحمي و السايز جريب السبع سم وطبعا قالو كيس ها الكبر لازم ينشال…
وهي احين تراجع في الوصل والشهر الياي موعدها.. بغيت اسالكم عن احسن دكتورة في المنظار في الوصل يعني دكتورة شااااااااااطرة لان المنظار مو الكل يكون فيه اوكي خاصة العلاجي اما التشخيصي فمعظم الدكاترة يرومون يسوونه….*
بلييييز اللي عندها اي معلومات او تكون هي مسوية تخبرنا والله يجازيكم الجنة
ويرزقكم من خيره .. البنت بعدها صغيرة ومب معرسة وبدت وياها ها المشاكل
الحمدلله على كل حال كله باذن ربي
ويزاكم الله خير

ماعندي فكره بالموضوع بس ماحبيت اطلع من دون لاادعيلها …
الله يشفيها ويعافيها ويخليها لاهلها يارب .. وان شاء الله انها على أجر عظيم.

الله يشفيها يارب

مشكورات خواتي ويزاكم الله خير

يالغالية ما عليج الا دكتورة منى

تخصصها اصلا مناظر

وهي فنانة انا سويت مرتين عندها

هي احين موعدها في فريق الدكتورة منى بس المشكلة انها تكون مشغولة وايد فما اعرف بنحصلها ولا …
ممكن اسلج حق شو سويتي منظار مرتين؟؟ وعقبه انتي اوكي ما في اي مشاكل لا قدرالله؟؟
مشكورة فديتج

ما تشوف شر ياربي عسى ربي يشفيها ويعافيها وطهور ان شاء الله

وعليكم بالرقية أختي وماي زمزم والصدقـة ثم الصدقــــــــة

والسموحـة ما أعرف حد بالوصل ..

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين