خواتي الغاليات انا حامل في الشهر الثامن وتعبانه حيل والسبب ام زوجي الله يسامحها واقفتني عظمة في البلعوم ودوم تكيد لي وانا في حالي يالسه في حجرتي احاول ما احتك معاها …
اخر شي سوته فيني انها تهاوشت مع اهلي وتبغي تقطع علاقتها فيهم لسبب هي اخترعتها من عندها بس عشان تغايضني وتكسر راسي ، مطلعه روحي هالانسانه تعبت وايد منهاره والمشكله الدكاتره موصيني اني لازم ما اضايق عشان لا قدر الله ما اولد قبل التاسع
وهي كل يوم تطلع لي بسالفه وريلي ما اقدر اقوله لان من النوع العصبي وما يرضى على امه
دوووووووووووم تهين اهلي وتتكلم عنهم بوقاحه مع ان اهلي في حالهم ما يتكلمون عنها بس هي من النوع الحشريه اللي تتدخل وتتضارب مع الكل
تعبت منها واييييييييييييييييييييييييييييييييييييييييييييييد
خواتي ابغيكن تدعون لي
اللهم يا فارج الهم كاشف الغم فرج همي وارزقني بيتا مستقلا عنها وباعد بينها وبيني كما باعدت بين السماء والارض
اللهم اميييييييييين
حاولي ما تحتكيين فيهاااااا !! هذا أنسب حل لج
لان حتى لو شكيتي لريلج قلتي ما يرضى ع أمه !! ما أنصحج تقولييين لا تيبين عواار لراااسج و مشااكل بينج و بين ريلج
ربي يسهل عليييج ولادتج
تحملي فديتج ..وكوني احسن معاها بطيبج وأخلاقج العاليه وبين إلها تربية اهلج ..وأكسريها وحرجيها بسكوتج وكلمة أن شاء الله وفالج طيب يا خالوه ..وصدقيني مع مرور الأيام راح تحس بتانيب الضمير ..وأنج بنت ناس وعرب وعرفوا جيف يربون عدل ..وراح تكبرين بعين ريلج وااااااااااايد ..ولا تقولين ان ريلج ما يحس ولا يدري شو يصير ..لااااااا يا الغاليه …ريلج عارف كل شي ..لكن ساكت عسب هاي أمه …
ربي يسهل عليج ولادج ..وتقومين بالف عافيه ..
الله يهدي عمتج
والله يسهل علييج ولادتج يارب
وعامليها شرات أمــج وأحسنــي لها
وان الله مع الصابريــــــن