السلام عليكم ورحمة الله وبركاته
يبت لكم شي يختصر عليكم وقت الطبخ.. وممكن تستخدمينه لكل شي
يختصر عليج تقطيع البصل والطماط والكزبرة
ومنها تحافظين على الطماط والكزبرة لفترة طويلة.. خاصه الكزبرة بسرعه تخييس
طبعا هو ينفع للموظفات وربات البيووت وللطبخات السريعة وفالعزايم
ما بطول عليكم فالكلام.. الصور بتختصر لكم اللي أقصده
جهزي طماط وبصل وقطعيهم صغار
وحطي جدر عالغاز وضيفي أشوي ماي قد ربع قلاس
وحطي الطماط والبصل لين يذبل
وفهالفترة يبي حزمة كزبرة وافرميهم فرم متوسط
عقب ضيفيهم للجدر اللي عالغاز.. واتركيهم فترة لين يذبل كل شي
ويصير مثل الصوص الغليظ
والحين حطي ماجي ومعجون الثوم والزنجبيل واشوي معجون طماط
انا ما حددت المقادير لان كل وحدة وذوقها فالاكل..
بعد ما تخلصين فضيهم فقوالب متوسطة الحجم
أو بالحجم اللي تشوفينه مناسب لكل طبخه
حطيهم فالفريزر لين يجمد عدل..
انا طلعتهم قبل ما يجمد بالكامل عشان اقسم نص الكمية لقطعتين
عشان اذا بطبخ شي صغير أحط قطعة صغيرة
ولتسهيل خروج الخلطة من القالب.. يبي صينية بحجم صينية القوالب وحطي ماي حار
وحطي الصينية لدقايق بس عشان تزلق الخلطة
لا اطولين عشان ما تذوب الخلطه..
وحطيهم بأكياس وردي حطيهم بالفريزر.. لوقت الاستخدام
اهني انا طبخته مع اللحم المفرووم..حطي قطعة وسكري الجدر لدقايق وبتشوفينه ذاب
وطعمه وريحته فررش
وانتي ممكن تستخدمينه مع العيوش والصالونه واللحم المفروم وناشف دجاج وغيره..
انا ما حطيت بهارات عشان اقدر استخدمهم لكل طبخاتي
ان شاء الله تكونون استفدتوا من الطريقة..
واللي يعجبها موضوعي.. تدعي لي بالخيير
وصلي اللهم وسلم على سيدنا محمد وعلى آله وصحبة أجمعين
بس حلوة الفكرة حق وحده تشتغل وما عندها وقت تطبخ
تسلمين الغالية ع المجهود الرائع وربي يحفظج
ما قصرتـــي
^___^
