صرااحه ودي افضفض ودي ارمس
ابا ارتاااااااااااحـ ومالي غيركم عقب الله يسمعني ويقرا الي اكتبه
ويحس فيني لان شي الااف الملايين والبلايين الي شراتي
وبيشاركوني ان شاءاللله انا متاكده انكن ما تقصرون فديتكم والله
اول شي كل الشكر لـ اختي دنيا غداره .. صح ماعرفها معرفه شخصيه
بس كلنا ف هالمنتدى خوات ووايد اتمنى اتعرف عليكم كلكم واسولف وياكم عالمسن
لان صدق احس نصكم شراتي .. اوب احم اسفه لازم اقولكم ليش اشكرها
لانها هي الي حركت هالشي الي فداخلي وخلتني اكتب هالموضوع
لانها في احد المواضيع ردت بـ رد وايد جذبني
وخلاني اقول في خاطري هيــــه واالللله لييش جي ؟؟ يعني مش بس اهلي ؟؟
وانا اقتبست كلامها لو ما عندها مانع (( والمقولة الشهيره إلي عندنا تقول ^_^
يوم بتتزوجيين إظهري على كيف كيفج ))
هذا كان من الرد وصدق اول شي ابا اقول صح لسااانج فديتج
وثاني شي ابا اسالكم ليش كل ما اقول ابا اشتغل ..
ابا اسوق
ابا اصبغ شعري (( تخيلوا)) !!
ابا مبايل انا كبرت
ابا اطلع ..
الرد هو هو ما يتغير
((((( يــــووم بتعرسين سويي الي تبينه )))))
كل شي يوم تعرسين يوم تعرسين
والله كرهت سيرة العرس
وانا ما كنت افكر ابدن فالعرس
بس الحينه والله اقوول يارب اعرس
يااارب اعرس يانااس ابا اعرس فيها شي 
!!؟؟
هيه صدق ابا الي في بالي ياخذني مش عيب ولا حرااام
الله يسامحك يا ابويه خلاني اتمنى اعرس بس عسب اطلع من هالبيت
خلاني اتمنى اني اسوي اي شي بعمري بس عسب ارتاااح
اسمحولي حبايبي لو طولت عليكم بس صدق !! لين متى !!؟؟
مش حاله هاي .. ياما بنات معرسات بس حليلهم رياييلهم ما يخلونهم يسوون شي
تكفون خواتي ادعولي ان الله يرزقني ب الي في بالي بالحلال
واعرس لوالسنه اليايه
عسب اصبغ شعري واطلع واسوي كل شي 
على قولة ابوي
الله يعلم والله المستعان
اسمحوولي
المشاركة الأصلية كتبت بواسطة عروس جديمه 
امـــــين فديتج ..
هيـــه والله وانتي الصادقه ,, كلن مع همــه
مااعرف شو الفرق نحن عندهم ولا عند الريل شو فرقت
اوك مثلا مثلا بعيد الشر قلنا مثلا تاخر ماعرف السكه مضيع اتم اترياه لين ايي عشان اسوي اللي بخاطري عزالله عيزت
طيب يا وشرف ونور الحته بس هو بعد تليعن ومارضى شو اسوي بعمري احرق عمري مثلا >>> متاثره بالبيبي
مااقول غير الله المستعان
هههههههههه قوليلـه انزين اذا خذت بدوي ولا مطوع
و قالي قري في البيــت،، بعدين شو؟ p=
بصراحة انا ابويه مب جي ^^
ابويه وايد open minded و عاطني كل الحرية
اما قوم اميه هالموال
يوم بتعرسين اصبغي يوم بتعرسين اتمكيجي يوم بتعرسين سوي
ما اسوي سالفه لحد لاني مستقوية ببويـة و دوم اقول ابويه راضي و بسوي اللي في راسي ههههههه
بعطيـج مثال،، ^^
انا بطبيعتي ما اطلع الا و انا كاشخة حتى بيت يدو مستحيــل اسير بـس جي
اتمكيج و اتلبـس و اتدخن و اتعطر و عقب اسير
تيني يدتــي اتقولي "شو خليتن حق الريـل يوم من الحين تتمكيجن ؟" p=
اي شي اتقوله اقوللها انشالله انشالله،، و من هناك طاااااف خخخ اسوي اللي اباه
ساعات اقوللها "انزين انا شدراني متى بيي الريــل؟! اتــم جلحا ملحا ليـن ايي؟؟ حشــى عليه! "
يعنــي عادي،، مشيها ^_*
فيه رياييل اشد عن الاهل حبوبة 00والانساان ماا يااخذ غير نصيبه من الدنياااا
انت تريد وأناا اريد والله يفعل ماا يريد
الله ايسر امورج ويفرج همج يااارب
غاليتي
يمكــ،ن أهلج من حرصهــم عليج واهتمامهم بج يقولون لج جي
وصراحـة أنا بعد في وااايد اشياء ما سويتها لين بعد ما عرســـت ,, والحمدلله حسيتهـأ أحلى علي لإني سويتهـا في وقتهـا الصحيح
بس هذا مب معناته ان البنت ما تهتم بعمرها ونظافتهـأ وهندامهـأ بالعكــس
وتتجمــل بحدود المعقول بين الحريم ,, وأكررهــأ بين الحريم فقــط مب حق كل من هب ودب
ومافيهـأ شي غاليتي إذا أجلتي بعض الأشياء لين سن معين ,, مب ضروري لين الزواج
وربي يوفقج لكل خير ^_^