وابويه كان ماخذلها سياره واختي عرست واايد كانت اتحب ادلع سيارتها اخر دلع يعني واايد
كانت تهتم فيها وكانت دووم اطلعني وما كانت ترضى انها تشوفني يالسه روحي ويا ولدي فالبيت
كانت اتطير واتيني ومن 3 اسابيع تقريبا كانت بجدد سيارتها وراحت دفعت مخالفاتها ولان
الملكيه باسم ابويه حطوله نقاط سودا ماعيبه واحتشر مع انه النقاط السودا مب وايده اتصل
فريلها وتم يعق عليه رمسه خايسه وقاله يبا السياره وقالت اختي حول السياره باسمي وانا بدفع
اقساطها مايازله وخذ ابويه سيارة اختي وغمضتني فديتها يوم كانت اتصيح وقام ريلها وعطاها
سيارته بس احسها واايد متغصصه عشان سيارتها ومن يومين سيارة ربيع ريلها مختربه نش
وعطاه السياره اللي كانت اختي تسوقها واختي زعلت بس ماقالتله وربيعه لين الحين ماردها
وهي محتاجتنها عشان اتخلص اغراض العيد واليوم سرنا انا وهي فسيارة اخويه ويوم عرف
ابويه احتشر وقال والله الحين بتصل فريلها ناقص انا نقاط سود والله حسيتها اضايجت ودووم
اقولها لاتضايجين بس والله خايفه عليها لانها حامل وريلها يقولها ببيع السياره اللي عندي
وبنمشي حالنا فسياره هي ماتبا لان ريلها دووم يطلع وبتم محبوسه فالبيت الله يخليكم قولولي
شو اللي اقدر اسوي ارمس ابويه ولا شو؟ مقدر اشوفها جي مظايجه احس انا اللي بنفجر
رمسي ابوج مافيها شي ،،لانها ما تقصر وياج وحاولي ترمسينه باسلوب حلو عسب يقتنع وخليها جي تهدي لانها حامل
وربي ييسر امورها
—- عن كل شي —–
واذا ما طاع لا تذل عمرها …
وخلي ريلها يشتريلها سيارة مستعمله على قدها رخيصة … من فلوس السيارة إلي بيبيعها
والله يسهل امرها
بمجرد انها تروح مع ابوج الطرق والمواصلات ويتفقون على ان هي الي تسوق السيارة وتستخدمها
يحولون النقاط دايركت على اختج .. السالفة ماتسوى كل هذا
ويالله يهديها وماتتهور ف سواقتها انصحيها هي عندها ريل وبتكون اسرة عما قريب ان شاء الله
الله يهدي الجميع
المشاركة الأصلية كتبت بواسطة :.غرور.: 
مثل أختج ما تستاهل تسوق سيارة
لأنها متهورة في سواقتها وإلا جان ما عطوها نقاط سوداء
قولي انج انتي اللي تبين تطلعين
ولا تتحججين بأختج يا relaee33
ليش كل هالحقد..؟ استغرب من هالبشرر
اختيه رمسو ابوج باسلوب ويبوه بطريقة وثانية اعتقد انه ابوج كان معصب وبيهدى وبيردلها السياره