المهم اختي فيها طبع شين لي سرنا عرس والا عزيمة اتقعدنا شوووي وتقووول يلااا نروح .. ما انسى بعرس ولد عمي كنت شاريه فستااان يديد ومسويه ميكب وغيره والله ما يلسنا في العرس الا من 9 اللين 10 وقالت يلا نروووح خلاص اتعشينا وشفنا العروس … والله انا مب يايه اتعشى واشووف العروووس انا يايه استانس ويا النااس
والاسبوع اللي طاف سايره ويا امي وخواتي نتغدى في مطعم والا قبل لا نسير بخمس دقايق وكانت الساعه 1ونص تقول انتو على 3 بتكونون بالبيت .. قلت لها طبعا لا لين نوصل وناكل مانرد ما يمدينا ساعه ونص كان اتقووول اووو انتوا ما ينسار وياكم مكان كله تتاخرووون
المهم اختي طفرتني بهالحركة اللي سوتها وياي 30 مرة يمكن
امس يا بنات طفح الكيل .. سايرين ملجة اخوو ربيعتي حذالنا يعني بالسيارة 10 دقايق وربيعاتي كلهم هناك وقعده ووناسه ومن الساااعه 8 نحن بالملجة وعشونا على العشر والساعه 11 اول ما دشت العرووس
والله انها بعدها ما وصلت للكووشة الا اختي تقولي يلا نرووح
قلتلها انا ابااا ايلس بعدني ما شفت شيء لا شفت العروس عدل لا شفنا الشبكه لا شفنا التلبيس
والا تقوولي والله اذا تبين تيلسين تعالي وصليني وردي
طبعا ما عجبني ردها واستأذنت من ربعي وسرت البيت وانا في قلبي غيض
كان في السيارة تقووول وي تعبت من اليلسه من 8 اللين 11 اف
قلت لها عسب جذي ما احب ارتبط باحد اريد ايلس على راحتي والا تعصب وتقول
خلاااص مرة ثانية يوم بنروووح مكااان مشترك كل حد يسير بسيارته ومشككورة يزاج الله خير
يعني يااا بنات بالذمة كلمة الحق تزعل
والله انها كرهتني في الطلعات ساعتين اكشخ واخر شيء ما نيلس نفس الناااااس
كيف اتعامل معاها لاني بديت اكره الطلعه وياها
معلومه انا واختي نسوووق
بس معقووولة سايرين نفس العرس وكل وحده بسياره … واذا رحت مع ريلي بتتحراااني اتهرب منها واذا مكان جريب في حدود المنطقة صعبه اقوول لريلي وديني ويبني
اختي الصغيرة يوووم قلت لها السالفه قالتلي
قاطعي كل النااس ولا تسيرين عزايم وطلعات عسب ترتاااح
أنا أنصج ما ترتبطين بأي حد … لان كل إنسان له ميوله …
قعدي معاها واتفقوا من الحين …لا تتخذين قرارج بدون ما تكلمينها… اذا تستصعبين أنج تكلمينها…كلمي زوجج …عشان يكلم أخوه …الي يمكن يحل المشكله بنفسه ..مثلا هو يوديها …أو إذا سرتوا رباعه هو يتصل بها ويقول بيمر عليها ….
المشاركة الأصلية كتبت بواسطة غياثه 
أنا أنصج ما ترتبطين بأي حد … لان كل إنسان له ميوله …
قعدي معاها واتفقوا من الحين …لا تتخذين قرارج بدون ما تكلمينها… اذا تستصعبين أنج تكلمينها…كلمي زوجج …عشان يكلم أخوه …الي يمكن يحل المشكله بنفسه ..مثلا هو يوديها …أو إذا سرتوا رباعه هو يتصل بها ويقول بيمر عليها ….
والله كلامج حلووو
بس المشكلة اخااف اسوولف وياها تفهمني غلط
لاني يوم امس قلتلها ما احب ارتبط باحد عصبت وزعلت
وعااد رياييلنا صح انهم خوان بس مب واايد ربع بينهم فرق كبير بالعمر
والله حاله احس عمري ما بفتك الا اذا انتقلت بيت ارووحي
مشكوورة حبيبتي
وقبل ماتظهرون مكان قوليلها ترانا مابنرد قبل الساعة الفلانية
الله يعينج الصراحة بس هي مب مجبورة تسير اذا ماتبا تطول وتخرب عليكم
انصج تصاررحينها لا تحطين في قلبج وتسكتين مب زين