اخواتي ابغي اشفط حليب لبنتي حق صبح لما اروح الوظيفه
يصير تجاوبوني على كم سؤال؟؟
شلون تحفظون الحليب بعد الشفط؟؟
وشلون تسخنونه إذا كان بارد؟؟
ويصير عقب الشفط ترضعين ولا يكون صدرك مافيه حليب؟؟
وكم مدة حفظ حليب بثلاجة؟
وبشتري شفاطة ميدلا MEDELAاليدويه او كهربائيه لاني سمعت انه افضل شفاط بس محتارة بين يدوي وكهربائي؟
سؤااااااااااااااااااااال اخير مهم وين اقدر القي شفاطة ميدلا؟ ممكن صورة ميدلا او شفاطات اخر
ومسامحة على كثرة الأسئلة..
============================== ======
وسؤال مهم جدااااااااااااااااا
شفط حليب يزيد من حليب والا يجف من صدري؟
انا بغيت شفاطه كهربائيه احسن لان اليدويه تعب ولا انتوا شو رايكم
السلام عليكم
,وعليج السلام ورحمة الله وبركاته
اخواتي ابغي اشفط حليب لبنتي حق صبح لما اروح الوظيفه
يصير تجاوبوني على كم سؤال؟؟
تفضلي
شلون تحفظون الحليب بعد الشفط؟؟
في الثلاجه حبوبة
وشلون تسخنونه إذا كان بارد؟؟
في مكينة لتسخين الحليب وغيره شفتها في بي بي شوب او في المحلات المتخصصة في بيع مستلزمات الاطفال مثل مذركير وغيرهم
او انج تيبين ماء حار عادي وتحطين الرضعه فيه اشوي الا والحليب دافئ
ويصير عقب الشفط ترضعين ولا يكون صدرك مافيه حليب؟؟
طبعا عادي وحتى لو حسيتي انه ما فيه حليب لا توقفين الرضاعه اصلا كلما الطفل مص كلما الحليب تكون
وكم مدة حفظ حليب بثلاجة؟
والله مش متاكده احتمال 3 ايام بس افضل تسالين الدكتورة او اي ممرضة في قسم الامومة والطفولة
وبشتري شفاطة ميدلا MEDELAاليدويه او كهربائيه لاني سمعت انه افضل شفاط بس محتارة بين يدوي وكهربائي؟
سؤااااااااااااااااااااال اخير مهم وين اقدر القي شفاطة ميدلا؟ ممكن صورة ميدلا او شفاطات اخر
والله ما ادري اعتقد في الصيدليات او اسالي احسن الامومة والطفولة لانهم اخبر
ومسامحة على كثرة الأسئلة..
والله يهدي لج بنيتج ويجعلها ذرية صالحه معافاه باره ان شاء الله وجميع الاطفال اللي في العالم
بخصوص الشفاطه بتحصلينها في الصيدليات الكبيره وفي بيبي شوب ومذركير ..
وحفظ الحليب يكون في عبوات الحليب الخاصه …. شكلهم شرات المرضعه بس راسها امسكر مافيه مكان حق المصاصه … عشان مايدشها الهوا
والحليب اتحطينه فالثلاجه لمده 24 ساعه على حسب علمي ..
وبره الثلاجه 4 ساعات .
وفالفريزر 3 شهور …
هذا الكلام يوم ربيت فولدي كانو يخبروني …
والشفاطه الكهربائيه طبعا احسن من اليدويه بوايد … لانج 5 دقايق واتكونين شافطه ومفتكه .. وماتعور ماديلا لان سستمها امصمم يشفط شرات ما الياهل يوم يرضع من صدر امه
انا امجربه ماركه ثانيه وكرهت حياتي وانا اشفط ويوم خبروني عن هالشفاطه والله وايد ارتحت
والشفط بعض الناس اتقول يزيد الحليب وبعضهم يقول يقل .. انتي حاولي انج يوم تشفطين تعطين ولدج صدرج بعد عشان ما يخف الحليب …
لان في امهات يعتمدون على الشفط ومايرضعون الياهل على اساس ان مافيهم حليب .. بس غير يوم الياهل يكون لاصق في صدر امه اتحسين الحليب يزيد اكثر …
وان شاء الله اكون جاوبتج على كل اسئلتج واذا عندج اي استفسار ثاني نحن حاضرين ولا تستحين ولا شي
![خليجية](https://ecx.images-amazon.com/images/I/418BRQA3BDL._SL500_AA280_.jpg)
انا استخدمهاا حاليااا .. واتريا الاجابات مثلج .. لان عندي نفس الاسئله
ع فكره وايد وايد اوووكي هالشفاطه
بس قبل لا تشفطين رضعي وخلاف شفطي ..
وكثري من الرضاعه فليل لنها سبحان الله تزيد الحليب,, وحاولي تاكلين الاشياء اللي تزيد الحليب عشان مايجف لن الشفاط يقلل مالحليب وحاولي ترتاحين شوي بما انج اداومين لن التعب النفسي والجسدي يقلل الحليب وكلامي عن تجربتي والله يوفقج
اخواتي ابغي اشفط حليب لبنتي حق صبح لما اروح الوظيفه
يصير تجاوبوني على كم سؤال؟؟
شلون تحفظون الحليب بعد الشفط؟؟
اذا حطيتيه في الثلاجه يتم لـ 24 ساعه
و برا الثلاجه يتم 4 ساعات
و اذا في الفريزر 3 شهور
وشلون تسخنونه إذا كان بارد؟؟
في هذا الجهاز و يبيعونه في بيبي شوب
تحطين المرضعه و فيها الحليب و تسخنينه ^^
ويصير عقب الشفط ترضعين ولا يكون صدرك مافيه حليب؟؟
ترومين الغلا .. و حتى لو ما شي حليب
خلي بنتج تمص عشان يدر صدرج حليب و ما يجف
وكم مدة حفظ حليب بثلاجة؟
24 ساعه الغلا
وبشتري شفاطة ميدلا MEDELAاليدويه او كهربائيه لاني سمعت انه افضل شفاط بس محتارة بين يدوي وكهربائي؟
يدويه واااااااااااايد متعبه >< ايدج تعورج
الكهربائيه احسن و اسرع ^^
سؤااااااااااااااااااااال اخير مهم وين اقدر القي شفاطة ميدلا؟ ممكن صورة ميدلا او شفاطات اخر
ومسامحة على كثرة الأسئلة..
في الصيدليه الغلا ..
وهذي صورتها ..
============================== ======
وسؤال مهم جدااااااااااااااااا
شفط حليب يزيد من حليب والا يجف من صدري؟
أنا جف صدري لاني كنت اشفط و ما ارضع
لان ولدي كان في الحضانه ( العنايه )
انا بغيت شفاطه كهربائيه احسن لان اليدويه تعب ولا انتوا شو رايكم
الكهربائيه احسن ^^