اخيييرا لقيت الحل للتشققات اللي في جسم وعلامات المتن والضعف 2024.

شحالكم يا عسولاااات؟؟

بما ان الحين فترة الصيييف والكل تقريبا متفرغ لعمره.. فأنا بديت اهتم ببشرتي مثلكم وبديت ادورلي حلووول لمشاكل جمال المرأة اللي اعاني منهاا..

وطبعا حابة افيدكم كلكم ويايه

" يدا بيد نحو جسم وبشرة نقية كاللواتي يطلعن في التلفزيوون اللي ماعرف شو يسون" لوول

المهم ما بطول اكثر..

أكيييد كلكم تستغربون من الممثلات والمغنيات والمشاهير اللي تكون اجسامهن صااااافية ورووووعة..

وانا اقوولكم اغلبيتهم يعانون من نفس مشااكلنا وفيهم نفس اللي فينا.. والله يخلي الفلتراات اللي في الكاميرات اللي تخفي هالعيوووب..

بس هالشي مب معناته ان مستحييييل نحل هالمشااكل وما في امل ترووح..

انا اقوولكم فييييه ولا تيأسوون.. وعن تجربة شخصية..

الله يسلمكم شي وحدة من ربيعاتي يزاها الله خير قالتلي عن زيت للجسم والويه تستخدمينه مرتين في اليوم لمدة شهر لثلاث الشهور والنتيجة رووووووووعة

الزيت اسمه Bio Oil ..

فوائده حسب ما لاحظتها في جسمي " مع العلم اني صارلي اقل من اسبوعين استخدمه":

١- يشل الخطوووط البيضاء في الجسم الناتجة عن تمدد البشرة بعد المتن والضعف "مع اني ضعييييفه ونادر ما يتغير جسمي بس مادري ليش فيني هالخطووط"

٢- يساوي لون البشرة ويوحد درجات اللون المختلفة فيها

٣- يرطب المنطقة ويخفف عنج الجفاف بطريقة عجيييييبة

وله عدة فوااااايد بتلقينها مكتوبة في العلبة بس ما اذكرها.. لكنها مب مجرد كلام تجاري.. لكنها صدق ذات فاعلية.. ووااايد من ربيعاتي أكدوا هالكلااااام..

ويا بناااات لا تخافووون من آثاره السلبية لأنه عبارة عن علاج بالفيتاميناااات.. لو تقرون المحتويات كلللها عبارة عن فيتامينات ومواد جذا مفيدة ومغذية للجسم

لااا ومب بس جيييه.. هالزيت بعد مفيد للحوااامل او اللي ربن ويعانن من آثار تشققات الجسم بعد الولاااادة..

واللي بعدها حامل انصحها تستخدمه وتستمر عليه عشان ترطب جسمها وتمنع التشققات وتزيل التشققات اللي صارتلها من بداية الحمل[/COLOR]

الكريم ينباع في صيدلية بووتس (مادري اذا متوفر في باقي الصيدليات بس انا خذته من هناك)

والسموحة اذا كان الموضوع متكرر بس بالنسبالي ما قريته من قبل في المنتدى بس حبيت افيد اللي ما يعرفون عن هالزيت بتجربتي