دائما نسمع بهذه العباره ونقراها بس لو سألنا أعمارنا ليش الله -سبحانه وتعالى -يحاسب الانسان عندما يبلغ فالمراه عند اول حيضه والرجل عند بداية البلوغ يعني عند سن الثالث عشر الى الرابع عشر أليس لبلوغ العقل ووعيه……….
لو كنا نقرا عن قصص الصحابه رضي الله عنهم لوجدنا الكثير منهم يحدثون وهم في سن صغيره بل ويأمون الناس في الصلاه ويخرجون للجهاد والعمل مع ابائهم
اما النساء فيزوجن من صغر سنهن يعتنون بالبيت وينجبون الاطفال ويعدون الطعام ويساعدون أزواجهم في العمل …….ولو كانوا لا يعقلون ولا يحاسبون فهل وكلوا بهذه الاعمال كلها….
بنااااااااااااااات نحن لدينا عقول نعقل بها فلماذا دائما نقول كنا صغار ومتهورين ………ليش ننييب المصايب لاعمارنا ما علمونا اهلنا الزين من الشين واللي تقول اهلي اهملوووووووووني اعتقد ان المدارس ما قصرت علمونا الحرام من الحلال فليش نسوي باعمارنا جي..
اصلا فكرة المراهقه هذي يايه من الغرب والانسان يعرف الصح من الغلط ؛ لو تيبون ياهل وتسألونه يجوز تطلع مع واحد ما تعرفه بالله عليكم شو بيرد ؟
عيل كيف فينا نحن الكبار اللي نفهم ونعقل ونعرف الحلال من الحرااااااااام كيف شي من البنات يطلعن مو واحد ما يعرفنه بحجة الحب انت مأمنه وياه كيييييييييييييييف اذا ولد العم ما يجوز اطلع وياه روحي كيف الغريب…….
اسمحن لي هذا كله من قلة الوازع الديني وعدم الخوف من الله ولو كل واحد حاسب على كل ما استوى اللي استوى ؛ حرام والله فكروا في اهلكم قبل كل شي شو بستوي فيهم عقب ما يعرفون اللي تسوونه
لا تخلون المراهقه هو العلاقه اللي تعلقون فيه اخطاكم كل محاسب باعماله يوم القيامه وراقبوا ربكم في تصرفاتكم………
والله يهدي الجميع
و الإنسان مو معصوم عن الغلط مهما كان عمره ..
فالتربية تتغير و الأسلوب يتغير و بالتالي البنت أو الولد يتربون ع حسب هالواقع
والسموحه
وكل بيت وله ظروفه…ومنو قال إن الأهل يعلمون عيالهم الوازع الديني
منو قال إن الأم تهتم بـــ عيالها 4 بيوت يهتمون بالتربية و5 بيوت لا
أختي يمكن لأنج عايشه في ظل أب واعي ومسؤل وأم واعيه ومسؤله
بس شوه بتسوين في بيوت أب يركض من حرمه لحرمه ومن سفر لسفر
ومن خمر لخمر ومن ربا لربا
أو أب رب العالمين رزقه بنات ويكره بناته وأم البنات ولا يعطي درهم واحد
والمصيبه اذا الأم بعد تكون جاهله وأميه ومغلوبه على أمرها ويهمها بس ترضي الزوج
شوه اتسوين اذا الام طموحها أنها تحقق لنفسها أعلى المناصب والشهرة وماتعرف شي عن البيت
ولا تعرف اذا ولدها مدخن وبنتها ترابع الشباب بس أهم شي عندها تعطيهم فلوس ولا يهمها بحياة عيالها
بالذات العاطفيه
شوه بتسوين إذا الأم قويه وتكسر كلمة الأب والكلام الوسخ في لسانها وتفضح أهله أو العكس الأب جبار ويضرب ويلعن ويشعن في عياله وام عياله
أختي الدنيا تجارب وتعلم الإنسان وبالذات البنت..في بنات للأسف الأهل بدل ما يربونهن يدلعونهن
لدرجة تصبح البنت غافله عن شي اسمه الدين يركزون على الفلوس والدلال والسفر أو حتى الحرمان
ما عليه اتحمليني لأني أعرف حالات كثيرة عن تفكك الأسري…ياليت بس الطلاق البشع
لا في البيت الام والأب ما يشوفون بعضهم الا كل 6 أشهر لا الأم متهمه في العيال…همها ربيعاتها
وتسافر كل مكان…والأب نفس الشكل
عموماً أنا ما أتعاطف مع البنت الي تظهر مع الشاب …لأن سبحان الله رب العالمين يحط
في قلب كل انثى قرينة استشعار اتحس ان الي تسويه حرام بس المكابرة هي سبب دمار الانثى
والسموحه…لأن مب شرط التربية وإن الأهل مهتمين يعني عيالهم زنين
و هناك كل بنت تشعر في نفسها طريقها غلط…بس الي تنسى الله رب العالمين ينساها…
وسبحان الله رب العالمين يحط في كل بيت جزء بسيط من الهداية والمحظوظ من يتمسك بالهداية
والله يبعد عنا الحرام وخطوات الشيطان
لان الانسان مب معصوم عن الخطأ
يعني اذا الوحدة غلطت واعترفت ما بترحمونها كفاية انها ندمانة ومعترفة واللي فيها امكفيها
المفروض انعاتبها مثل الخوات واندلها للصح مب انقول والله لا اتخلين المراهقة عذرج >< عيل بتتمرد اكثر