عندي صديقة اتعرفت عليها في الدوام واستمرت علاقتي فيها اكثر من سنتين والحين اكثر من 5 شهور من عرست وكنت اسأل عليها كل يوم واذا ما ترد اتصل فوق عشر مرات وساعات اوصل بيت امها عشان اطمن عليها لانها حامل والين ماداومت
في شهر 2 انا مرضت وخبرتها اني مريضة ومزجومة تخيلوا لا اتصلت ولا سألت
رجعت اتصلت فيها ما ترد اتصلت على رقم بيتهم ردت علي اختها وهي يالسه حذال اختها تقولها قولي لها انا بخير وبتتصل فيج
وانتظرت اتصالها وعقب عشر ايام اتصلت وقالت لي والله كان عندي احتقان و ما قدرت اتصل
قلتلها طرشي مسج على الاقل وسكرت عنها مع العلم اني باركت في يوم ميلادها
ومن فترة كان يوم ميلادي وكنت اتوقع اول مسج يوصلني منها ، وما طرشت طرشت لها قلتلها كنت اتوقع اول مسج يوصلني في يوم ميلادي منج
ردت علي انتي تافهة وهذي الامور تافهة
الحين انا صرت تافهة
عقب ما وقفت وياها اطلع تافه
يشو تنصحوني ؟
ابا اسمع آرائكم
3atbeeha mara w martein w 3ashra
w etha ma ehtamat ,,enseeeha
وباجر هي اللي بتيلس ادور عليج صدقيني كل اللي يعرسن اول الشهور يقطعون علاقاتهم ويا صديقاتهم بس عقب ايردون نفس أول شي طبيعي في اول شهور الزواجبارك الله فيج
بس مب ملاحظه انج مزودتنها حبتيــــــــن !!!
يعني لو ما ردت تدقين لها 10 مراات !!
و تروحين لها البيت !!
و لو ما ردت تدقين ع فون البيت !!
و مسجات
و عتاب زايد !!
مادري
احسج مضايقتنها و ازعجتيها
حلوة الصداقه
بس مب جيه 24 ساعه تبينها تراسلج و ترد عليج
مب لازم تكلمينها كل يوم !!
اصلا ماشي سوالف بتخلص !!
غريب امرج من حقها تتضايق و تبعد
ازعجتيها ترا خفي عليها شوي
و بعدين قدري ضروف الاخرين
و لا تتوقعين انه الناس كلها تسوي شراتج
و لا تتريين شي من احد
انتي تسوين الشي هاذا لله و بس عشان تبينها تسويلج شراتج ؟!
المفروض تعذرينها عروس و حامل و تعبانه اكيد و مب فاضيه !!
و يوم قالت تافهه
احس قالتها من خاااطرها منقهرة من تصرفاتج الطفولية !!
اسمحيلي اكيد بتزعلين من رايي
لاكن انا صريحه
و ما بجاملج
لازم تعرفين الحقيقه و لا بتمميين جيه مع كل حد و بينفرون منج