ارجووكم ظرووري ياخوااتي بلييز بموت من التفكير 2024.

السلام عليكم خواتي الحبيبات اخباركم عساكم بخير

انا بدخل عالموضوع بسرعه انا ملجت واطلقت حتى ماكملت غير اسبوع وبعدها عرفت
الريال كذاب وخلاااص ياني الضييق وماارتحت ولاحسيت براحه يعني ضييق غير طبيعي
كل يوم كنت اصييح وتعبت تعب وصارت ماكل وقررت انفصل عنه لاني مستحيل وكيف اعيش
مع انسان كذب علي وماكان صريح ومن داخلي ماحسيت براحه اتجاهه ومن البدايه كنت مجبروه
شوي فالحمدالله الله سهل اموري واطلقت طلاق قبل الدخول

بس انا اريد اعرف الله يخليكم افيدوني شو يعني الخلوه الشرعيه لان القاضي قالي كنتو بخلوه
شرعيه هو الريال قاله لا انا قلت له لا وقالي ماكنتو بروحكم مده نص ساعه ولا انقفل عليكم الباب
ولااسدلتو الستار قلت له لاااا ماصار من هالشيئ والحمدالله دوم الباب مفتوح واحنا نقعد فالمجلس واختي الصغيره معانا تكون حتى مده 5 دقايق مانكمل بروحنا الحمدالله
بس هل البوسات والعاديه والحضان السريعه التافهه تعتبر خلوه ولها البنت عده والا لا افيدوني
الله يخلييكم لاني دوم احاتي حتى الاحضان ماكان فيها تلاصق الاجسام ولا كان فيها شهوه
لاني كنت اصده لاني كرهته من اول ماعرفت بكذبه والضيق الي بداخلي و احنا اصلا بس كملنا
اسبوع وحتى 3 ايام بس كان ايي البيت وبعدها راح الدوام وخلاص نفسيتي تعبت وماكنت مرتاحه له
وضيييييييييييييييق غير طبيعي وحاولت بس ماقدرت اكمل وكملت اسبوعين وبعدها انفصلت خلاص
وقالي القاضي مطلقه بدون دخول بعد ماساني هالاسئله وقالي مالج عده واذا يريد يرجع لازم
موافقتج وعقد جديد ومهر جديد انا قلت مستحييل ولا فالاحلام ارجع له ماصدقت افتكيت منه

بس افيدوني الله يخليكم العده بس تكون الوطأ لان القاضي قالي خلاص مالج عده وتقدرين تعرسين انا اصلا
مااريد اعرس خلاص عافت الخاطر من هالازمه الي صارت لي بس اريد اعرف هالشيئ بس
له عده والا لا افيدوني الله يخليكم والي مجربه ومرت بهالشيئ الله يخليكم تخبرني واطرش لي
عالخاص باسرع وقت ممكن عشان نفسيا ارتاااااااااااااااااااااااااح تعبت

الخلوة يوم يكون فيه شيء .. هو سالج لان يبا يعرف ان ممكن استوى شي فقدتي فيه عذريتج .. اتوقع هالشي

بس بوس واحضان لا .. ما اعتقد … لان اهم شي يتاكدون من هالناحية

والله يرزقج غن شاء الله بزوج صالح طيب حنون

استغفري وايد … وصلي قيام الليل .. بإذن الله ما بيج الا احسن الريايل

تسلمووون خواتي ربي يخليكم لي يارب

لووتبيين صدق تعرفيين اسالي احد المشااايخ عشااان ترتااح نفسييتج ..

وحبووبة الدنيا قسمة ونصييب ولاازم ماتساسي ويصيييبج احبااط..

وكلي امرج لربج وبالعكس اتفاائلي لان هشي لمصلحتج ولووربج ماايحبج مااكاان فضحة جداامج وافتكييتي منه..

الله يعوضج بالزووج الصاالح وتتعضي من اخطاائج بزوااجج الاول..

ان شاء الله بس ماتعرفون ارقام مشايخ

وتسلمون عالردود

﴿ يَا أَيُّهَا الَّذِينَ آمَنُوا إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِن قَبْلِ أَن تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا ۖ فَمَتِّعُوهُنَّ وَسَرِّحُوهُنَّ سَرَاحًا جميلا ) سورة الاحزاب -49-

الجواب على سؤالك هذه الاية وتفسير( من قبل ان تمسوهن)

اي قبل الدخول يعني اختي ما عليك عدة……….. الله يرزقك بزوج صالح وتقي وما تزعلي خلي املك بالله كبير