خواتي مشكلتي يمكن تكون بسيطه بس يمكن لاني اعاني معاها وايد الله يسلمكم انا عندي ولد عمره سنة وست شهور وربي يحفظه ان شاء الله ومشكلة هالولد كله عنده امساك ويعاني من بطنه المهم وايد سرت المستشفى وكله يقولون خففي له الالبان والحليب وفعلا خففت له وحتى ساعات فديت روحه يصيح من صعوب الخروج المهم اختي العودة نصحتي بحليب البوش وقالت لي انه وايد زين انا بصراحه امس بديت معاه اشرب حليب البوش بس مش اللي من الناقه مباشره لا الفرش اللي ينباع في الجمعيات اسمه حليب النوق ف شو رايكم ياخواتي وسوالي هل في فرق بين الحليب الللي من الناقه ع طول واللي ينباع ف بليييييييييييييييييييييييييييييييييييييييييييييييي يييز ابي ردكم الله يخليكم وشكرا
قبل شوفي شو اسباب الامساك
يمكن ولدج ماياكل ؟
عطيه كيوي تراه يلين البطن
والسح بعد واااايد زين كثريله وبتشوفين الفرق ,,نحن نمرس السح للياهل من هو فالاربعين زين يلين بطنه..
واكيد شي فرق بين لبن البوش الطبيعي ولبن الجمعيه ودامنه يشربه عطيه لا تقطعينه ..
لا تكثرين من الالبان لأنه يحتوي على بروتين وكالسيوم فبزيد الامساك
وبتشوفين الفرق
أما عن لبن البوش فهو وايد زين وإن شاء الله يناسبه..
ومثل ما قالولج منقوع التمر ممتاز بعد.. هاتي ثلاث تمرات وذوبيهم في ماي مفور و تمي عفصيهم لين يذوبون وعقب اشخليهم وشربيه اياه دافي فالمرضعه .. اذا شفتيه وايد ثقيل زيديه ماي شوي..