ارجو المساعدة 2024.

بسم الله الرحمن الرحيم
السلام عليكم ورحمة الله وبركاته
في عندي مشكلة اريد حل لها اذا حد مر بها المشكلة
كان عندي موعد للالترا ساوند لاني لازم اسوي تصوير مفصل وانا في الاسبوع 22 وقعدت الممرضه اتشيك وحسيت في شي قالت لي اصبري بنادي الدكتور وخفت وايد الصراحه وقعد الدكتور يشيك على البيبي وحسب ما فهمت كان يكلم الممرضة انه في شي غلط المهم كان يصور الرئه لقا انه الرئه اليمنى صغيره والرئه اليسرى عاديه وخوفني قلتله في مشكله قال ان شا الله لا بس مب عارف يأنه الرئه ما تشتغل وانا قلبي بيطيح من الخوف وقال بعد 3 اسابيع بنشوف مره ثانيه .. في حد مر بها المشكله والله نفسيتس تعبانه وايد طمنوني

انشالله مافيه الا العافية..

الله يرزقج بمولود سليم معافى يارب

ان شاء الله خير يمكن حبوبة عشان البيبى بعدة صغير وما كملت اعضاءة بعد

بعده صغيره وتوه يستوى والعمر جدامه طويل توه يتخلق حرام ادعيله بس انتى ولا عليج من رمسه الدخاتر

للرفع

عليج بالدعاااء والله ثم والله ماشي بينفعج غيره انا ياما قالولي وخوفوووني بس الحمد لله من كثر ماادعي قالولي كل شي اوكي … اللهم لك الحمد