السلام وعليكم ورحمة الله وبركاته
كيفكم خواتي ان شاء الله بخير وبصحه وعافيه
حبايبي انا عندي مشكله بس انحلت ولاكن لها اثر في حياتي الزوجيه بحكي لكم قصتي بإختصار
صار لنا حادث وتوفت اخت زوجي (رحمها الله) وزوجي الذي كان يسوق ولاكن مو هو السبب في هذا الحادث ( حسبي الله على اللي كان السبب) والتهمه كانت ثابته على زوجي ,, ومر بظروف لا يعلم بها الا الله سبحانه وتعالى وبعدها بشهر تقريبآ طلبت منه ان اسافر لاهلي لاني اشتقت لهم وقلت له اريد اسافر في شهر 11 ( والحادث كان شهر 7). المهم صارت بعض الخلافات بيننا, وكان عرس اختي في شهر 12 وهذا هو السبب لرفض زوجي الذهاب لاهلي,, وبعد الاحاح مني حجز لي وسافرت في شهر 12 وحضرت عرس اختي بعد مرور خمسة اشهر ونص من الحادث ولا زال زوجي غاضب مني وصارت لي كثير من المشاكل بيني وبين اهله والله اعلم كم كنت صبوره على الإهانات الذي تلقيتها منه, جلست عند اهلي 4 شهور بسبب المشاكل وللعلم اني كنت راجعه في الشهر الثاني من سفري وبعده بشهرين اتصل زوجي بعد عدة محاولات من اهله , اتصل واعتذر مني ومن والدي ورجعت له وبعد رجعتي له اكتشفت خيانته لي كان يكلم بنات عبر التلفون والشاات ومنهم 2 ظل على علاقه معهم, ولقيت في تلفونه صور وحده منهم ورسائل غراميه, وواجهته واعترف لي انه يكلمهم بس تركهم قبل ماارجع له ب3 اسابيع. وحلف انه ماصار اي شيء بينهم غير كلام عالتلفون وبس والحين مب راضي يعطيني تلفونه ومسوي له باسوورد وانا والله للحين شاكه انه البنت تراسله.. شو اسوي وكيف اتصرف ,, زوجي حاط الغلط علي انا ,, اني انا السبب في خيانته لي
انا قلت لكم القصه بإختصار وهذي الاسئله اللي ابيكم تجاوبنها لي
هل انا اعتبر خائنه؟؟؟؟؟ لآني سافرت لزواج اختي !!!!!!!!
هل هذا مبرر لخيانة زوجي لي هل هو هذا سبب يجعله يخووووون؟؟؟
انا ماقدر احكم هل انتي غلطانة والا لا .. بس بصراحه .. شي اكيد ريلج مستحيل ينساها لج انج حضرتي عرس وما وقفتي وياااه في حزنه على اخته .. يعني الريال يقدر للحرمة اي تضحية سوتها عشانه .. حتى لو ما قال لها .. بس يبين في عينه .. وحتى لو هو نسى اهله بيتمون يذكرونه ويذكرونج .. يعني باختصار .. شي يمكن ما ينساه فترة طويلة .. والوحدة اذا عرست .. ريلها لازم يكون محور اهتمامها قبل اي شي .. ورضاااه ترااااه مهم .. وانتي سويتي شي غصبن عنه وبدون رضاااه .. يعني المشكلة كبرت وكبرت
لكن .. هذا ماضي وانتهى وانتي ما تقدرين تصلحين هالشي او تغيرينه ..
وشي اكيد الخيانه مالها مبرر .. لان الريال اللي يبي يخون ما يتريا سبب .. بس يمكن جرح زوجج من اللي سويتيه هو اللي خلاه يدور راحته مكان ثاني .. ويدور اللي تواسيه .. يمكن ..
الغاليه .. كل اللي بايدج .. انج تردين تكسبين زوجج .. يعني غيري من شخصيتج وياه .. اهتمي في نفسج واهتمي فيه وفي مطالبه .. خليه يحس انج شارنته وانج تبينه وتحبينه ..
لا تشكين فيه .. ولا تحسسينه انج تبين تراقبينه .. بالعكس .. عطيه الثقة .. وفي نفس الوقت .. عطيه الامان والحب ..
وان شالله تردووون مثل قبل واحسن ..
اذكري الله ،، وحطي الرحمن في صدرج ^^ اختي
هـــو المفروض يحس باللوم وتأنيب وعذاب الضمير [ مب انتي ]
هـــو المفروض يحاسب نفسه على اغلاطه [ مب انتي ]
هـــو المفروض يراجع الي سواه فيج [ مب انتي]
هـــو المفروض انه يخاف الله فيج ويراعي الظروف الي صارت معاكم [ مب انتي ]
انتي مش سبب وفاة اخته [ الله يرحمها يااااااااارب ] بس مع هذا ،،،
اسبابه غير مقنعة وغير منطقية ولا تمت للمنطق بأي صلة !!
شو يعني انا خنتج عشان انج مسافرة !! سبحانك يارب
اهو طلب مني نفتح صفحه جديده من حياتنا وننسى اللي صار بس انا عارفه انه في نقطه سودا ممكن يمحيها الزمن,, بس الخيانه مااقدر انساها لاني صرت اشك كل يوم ولا اعرف شو هو الحل يعني انسى خيانته وابدء معاه صفحى جديده وتلفونه مسكر بالباسورد
دعواتكم لي الله يحفظكم
يعني شوو فيها لو سافرت عشاان تحضري عرس اختج ولا هاي حجته ..
الله يكوووون بعوونج وييسر أموووورج ..