اريد اعرف كيف يسون حشووو العيش حق المطابخ الشعبية 2024.

اريد اعرف في بعض المطابخ يبولج الحشوو الي فيه نفس البصل الذبلان وطعمه وايددد حلو كيف سونه اريد حشوه حق العيش نفس المطابخ

جربي طريقتي وإن شاء الله بتعيبج …
المقادير ..

كوب عدس أصفر أو نخي ، كشمش ..
بصله مقطعه شرائح ..
بصله مفرومة ..
بطاط مقطع قطع صغيرة ..
ملح ، فلفل أسود ، كركم ،ورشة بهار ..

الطريقة :
أول شي فوري العدس والكشمش زييين … ولما ينضج اشخليه واتركيه على جنب ..

وبعدين أقلي البطاط …

أقلي البصل الشرائح …

ضعي في جدر صغير القليل من الزيت والبصل المفروم

ثم ضعي العدس والكشمش وقليبيه باستمرار ..

ضعي الملح والبهارات ..وقلبيه جيدا

ثم ضعي البطاطا ..

وعند التقديم ..

ضعي الحشو فوق العيش وانثري عليه البصل المقلي ..

وبالعافية

شوفي الغاليه بعطيج طريقتي وانشاءالله تعجبج
المقادير :
كوب من النغي المفلق الي حباته اصغيره
بصل ثلاث حبات
كشمش نصف كوب
بهارات مشكله الي ريحتهم ما اتخوز من اليد -ملعقه صغيره من الكركم -م-ص -من الملح او حسب الزوق
الطريقه: ضعي في القدر ماي وحطيه على النار وهاتي النخي اغسليه اشوي وبعدين حطيه في الماي
المغلي لين يستوي
قطعي البصل مربعات مو اصغار شوي خليهم وسط
هاتي الجدر وحطيه على النار لين يحمى اشوي وبعدين حطي البصل وحمسيه على نار هاديه
(ملاحظه )لا تحطين زيت
خلي البصل يذبل وكل ما لزق با قاع رشي عليه ماى بيعطيج اللون البني الذبلان
بعدين صبي عليه الزيت ربع كوب وعلى طول حطي الكشمش بعد ما اتغسلينه والنخي
والبهارات حمسيهم مع بعض لمدة 2 دقائق
اتمنى انها تعجبج الطريقه والسمووووووووحه

ماقصرتو تسلمووون …

انشا الله البنات ايفيدونج

البنات ماقصروا ,,,تقريبا نفس الطريقة