السلام عليكم
ابا نصيحتكم
ابا نصيحتكم
خواتي
بنتي عمرها سنه و8 أشهر
انا بشتغل للساعه خمسة معلمه
اول سنه كنت اخذها عالحضانه معي بس كانت كل يومين امراض ونروح مستشفيات
بعدها جبت خدامه والحمد لله زينه وحنونه
بس المشكلة احس بس نرجع انه بنتي تمل وتزهق بالبيت ولازم اطلعها بعد الدوام لو فقط تتمشى
ما اعرف شو رايكم
ارجع اسجلها بالحضانه وارجع للانراض والا هالشي عادي
حبيبتي. الله يسر امورج. انا أقول اذا. رديتها الحضانة. وتحسين انها بترد للأمراض وانت تمين تاخذينها المستشفيات. وهي مسكينة ترد على الادوية والمضادات. يعني هنئ التعب شويا انج تطلعينها من البيت تستأنس برا. ولا تعب المستشفيات والادوية. انا افضل البيت على الحضانة. اما الحضانة في حالة بس الا اذا استفادت يعني تتعلم مع الأطفال. وانت تكلمينهم على موضوع الامراض. هذي وجهة نظري حبيبتي. الله يكون بعونج
الله يسر امورج
شكرا كتير ..هي ما حتتعلم بالحضانه هو الهدف انها تتسلى…
بعد ماترجعين من دوامج ريحي شوي وعقب طلعيها حطيها فعربانه ودوري بها شوي الله يكون فعونج
للرفع
أختي نصيحتي لك ووالله من قلبي أنصحها لكل الأمهات ، لااااااااااااااااااااااا تثقي بأي خدامة مهما كانت تظهرلك انها كويسة ، ضروري تركبي كاميرة في البيت تقدرين من خلال موبايلك تشوفين شو يسير في البيت ، وبهالطريقة ما بتضطري توديها الحضانة لحد ما تصير 3 سنوات مثلا
ويوم ترجعي البيت ، العبي وغني وياها، او اخذيها مشوار صغير ابو نص ساعة لمكان قريب لبيتك ، ومرة خلها تمسك أقلام تلوين آمنة وتخربش على الورق تحت نظرك طبعا، ممكن الحين في الصيف تعبين مسبح صغيور تقدري تشتريه من الكارفور أو اللولو وتحطين فيها ماي دافية وما تمليه وتسبحينها بتفرح كثير,,,
والله يحفظلك اياها