(( شوفو قبل لا اكتب الموضوع موووو تضحكون علي ههههه ))<<< داخله تهدد خخخخخخ اسولف بس ترا من صدق هالاسئله شاغله بالي ع سخافتها ههههههههه
خواتي انا ان الله راد بربي جريب ادعولي الله يسهل علي يااااارب وعلى كل حامل بإذن الله
واخاااااااااف احمل… ابي امنع عالاقل 3 سنوات
والمشكلة ريلي مب طايع اسوي ابر يقول مب زينة مع اني مقتنعه فيهم وابي استخدمهم (وحبوب انا مابي حتى هو مايطيع)
وراااااااااافض كليا مجرد اني اناقشه في انه يستخدم الواقي
ومستحيل نمشي عالعزل في ايام الاخصاب لانه جربته قبل وحملت
يعني ماعندي حل غير اللولب (واذا عندكم حل ثاني لا تبخلون علي لو عالرسائل الخاصه) رغم اني وايد خايفه ومترددة ومابي اركب لولب لكن شنسوي مع هالرياييل لازم كلامهم اللي يمشي (هو مصر اني اركب لولب ومقتنع انه الشي والوحيد اللي يمنع اكيد ومايضر )
المهم انا ماعندي مشكلة بركب لولب بس عندي شوية اسأله يمكن تكون غبيه ههههههههه بس ابي اطمن ع مستقبلي ( امحق مستقبل خخخخخخخخخخ )
مارح اسأل عن الالتهابات واذا تحرك وماعرف شو لاني اعرف ان هالشي يختلف من وحدة لي وحدة و شي وايد مواضيع تكلمت عنه وقريت عنه بما فيه الكفاية
لكن بصراحة انا خاطري اسوي رياضه عقب الولادة لان بصراحة جسمي استوى مايتشاهد عقب ماكنت عارضة ازياء اهئ اهئ اهئ 
فـ هل عادي العب رياضه (رياضات شد البطن واشيا شبة عنيفة يعني) واشترك في نوادي صحية؟!!! خاصه اني واااايد احب الرياضه خص السباحة والاسكيتنج ( وغير جيه انا وحدة احب اراكض و اناقز من مكان لي مكان هههههه ياهل حشى مب حرمة )
لان اللي سمعته انه اللي مركبه لولب ماتشل اشيا ثجيله فـ احس يعني الرياضه تأثر؟؟؟!!!!!!
ومتى اركب اللولب بالضبط؟ يعني بعد الاربعين ولا بعد الولادة مباشرة ولا اتريا اول دورة بعد الاربعين؟!!!
واذا فرضنا وركبته في الاربعين؟ هل عادي استخدم المشد ولا يأثر؟؟!!
وهذا عاد سؤال هبول وايد وادري بتقولون عني ياهل خخخخخخخخخ بس شسوي عندي ادمان الالعاب الكهربائيه خص الخطيرة اموت عليها
يعني مادري عادي العب هالالعاب (قطار الموت – الشاحوف – …. إلخ) وانا مركبه اللولب ولا ممكن يتحرك من مكانه؟!!!!!!!!
هاااااااااااه قلنا ماتضحكون تراني اشوف كم من وحدة هناك تضحك ياويلكم
خخخخخخ
يالله صدق والله اتريا ردودكم بلييييييييييز طمنوني
الولب ما يباله كل هالخوف اذا عزمتى توكلى على الله بس شى طبيعى ايام الدوره سواء مركبه لولب ولا ما ركبتيه ما تشلى شى تقيل ولاتركضى بقوه وكل شى غير جيه عادى بس يختلف من وحده لثانيه فى حريم يكون عندهم نزيف طول 9 ايام وفى حريم يكون نفس دورتهم العاديه بس اثقل فى اهم شى لازم تنتبهيله انج تركبينه عند وحده شاطره ويوم تقصلج الخيط تقصره وايد علشان ما يحسبه الريل وهذى صارت لبنات وايد اعرفهم شوووووووو بعد كنت بقولج عنه صحيح فى الولب الهرمونى هذا وايد يقللج الدوره يعنى بعد كم شهر من تركبيه ما بتيج الدوره الا نقط كل شهر بس مشكلته انه وايد ينفخ الحرمه غير انه يطلع الشعر فى جسمج اسرع من قبل واثقل
واى شى ثانى انا حاااااضره
احس اللولب يختلف من وحده للثانيه …
انا ركبته عقب الاربعين … و الحين كملت من ركبته 4 شهور .. بس الله وكيلج الدوره كل شهر تيني 14 يوم !!! "مسكين ريلي "
و ما اروم امشي وايد لانه يسولو ويع في اخر الظهر …
مادري .. انا أرفانه منه واييد و ابا اشله … ناهيج عن الالتهابات و الارف ..
ومثل ما قلتلج .. كل جسم يختلف عن الثاني في تقبل اللولب …
ما أنصحج تركبينه قبل الأربعين >> أصلا ماترومين من الخياطة مال الولادة
ولاتتريين أول الدورة بعد الأربعين اذا كنتي ترضعين لأنج احتمال ماتشوفينها
ركبي عقب كمن شهر (يعني بعد شهرين ..3 4..) أما اذا ماترضعين عدل يفضل تركبينه بعد الأربعين على طول
اذا بترضعين عدل احتمال ماتييج الدورة لمدة السنة (بس هذا مايمنع انج تاخذين احتياطج .. يعني تسوون طريقة عزل أو تركبين اللولب)
أما بالنسبة للرياضة بجميع أنواعها .. واللعب (قطار الموت والشاحوف).. كلها عادي لاتخافين (أسألي المجرب) ..بس مب أول الشهور .. لين يتقبله جسمج ويتعود عليه وها تختلف من حرمة لحرمة .. يعني في منهن عادي عقب شهرين .. ومنهن 4 أو 6 شهور .. حسب
انا لان ما كنت اريد احمل على طول قبل لا يخلص الاربعين يومين ركبته بس غلطت عند دكتوره مب شاطره المهم
الدم ماوقف بس يمكن يوقف على اسبوع و الشهر الباجي كله دم…ويلوع بالجبد على طول ايج عوار في بطنج و ظهرج انا ما تحملته الصراحه معانه مغ هاللولب ما نسبني
و على اقل حركه كنت اسويها ينزل دم
اف كان اااااارف الصراحه
و خذت حبوبه على طول بعد ما نزلت اللولب كملت عليه 7 شهور صار فيني فقر دم حاد و لين الحين اعاني منه
*_*
يعين هو يعتمد من شطارة الدكتوره و طبيعة كل حرمه
وتربين بسلامه
كله على الدكتوره وعلى طبيعة جسمك انتى ما تعرف اذا يناسبج او لا الا بعد ان تركبيه—
حاجه وحده صارت انه بد ما كانت ايام دورتى 4 ايام صارت 8 ايا م بس –
ركبيه واجري والعبى وتناقزي اذا هو اوكه وتشيكي عليه كل 3 شهور عند دكتوره شاطره خلاص توكلي على الله..
واي استفسار انا حاضر ….بس خساره ريلى ملازم اشيله