ودي أسوي استبيان ….. وفيه كل وحدة سافرت بلاد حلوة تكتب لنا لانه ودنا نجرب بلدان جديدة ما كد شفناها
واريد منكم كتابة بعض البيانات مثل :
ـ اسم البلاد ؟
ـ الطيران اللي سافرت عليه ؟
ـ الجو هناك ؟
ـ العملة وصرفها بالاماراتي ؟
ـ السكن فنادق او شقق ؟
ـ ارقام تيلفونات ممكن تنفعنا هناك ؟
ـالاسواق ( اهم شئ يا الملاقيف كع كع .. حق الخساير …………………
ـ فرق التوقيت ؟
ـ مستوى البلاد الاقتصادي ( غالي – نفس الامارات – رخيص نوعا ما ) .
ـشو تنصحنا ناخذ ويانا ؟
ـ اذا ممكن صور .
ـ نسبة الأمان في هاي البلاد ؟
يالله همتكم معانا واللي تعجبني بلادها ورفجة الغاليين أييبلها هدية معتبرة من هناك ……..
:13 (40):
ـ الطيران اللي سافرت عليه ؟ طيران الامارات والخليج والسنغافوري والماليزي والاسترالي الداخلي
ـ الجو هناك ؟ ماليزيا حر موت تايلند يعني استراليا برد بس بردها يجنن
ـ العملة وصرفها بالاماراتي ؟ ماليزيا مثل عملتنا بالرنجت وتساوي الدرهم اما الاسترالي لا هو مثل الدولار
ـ السكن فنادق او شقق ؟ بماليزيا فنادق واستراليا وتايلندوبلغاريا وتركيا شقق
ـ ارقام تيلفونات ممكن تنفعنا هناك ؟
ـالاسواق ( اهم شئ يا الملاقيف كع كع .. حق الخساير ………………… طبعا اسواق مايزيا صراحه غير تنوع وجوده ورخص تنفع دعايه ها الجمله اما استرايا بدل الاطفال روعه وخصوصا الشتويه تحصلينها عندنا باضعاف الثمن
تايلند بعد سوقها حلوا بماليزيل رحنا الklcc ومركز التايمز سكوير
ـ فرق التوقيت ؟ مب ذاكره
ـ مستوى البلاد الاقتصادي ( غالي استاراليا – نفس الاماراتماليزيا – رخيص نوعا ما تايلند وتركيا ) .
ـشو تنصحنا ناخذ ويانا ؟ اذا كانت البلاد بارده مثل استراليا طبعا لبس شتوي
في ماليزيا البس صيفي وطبعا انا احب البس يكون سبورة بس محتشم لسهولة المشي والتنقل والجوتي رياضي بس بكشخه ومحتشم
ـ اذا ممكن صور . عنديصوربس اغلبها احنا موجودين فيها
ـ نسبة الأمان في هاي البلاد ؟ كل البلاد الي زرتها ما حسيت فيها بخوف ما عدا استراليا لانهم متشددين بالمطار وشفت باستقبالي كلب اعوذبالله منه طول بعرض وكنت خايفه منه وايد ومن كثر خوفنا ومن كلام الناس ريلي ضرب بعربانته حرمه استراليه وقعد ساعه يتاسف منها لانها فعلا تعورة وكان موقف مستحيل ننساه
يالله همتكم معانا واللي تعجبني بلادها ورفجة الغاليين أييبلها هدية معتبرة من هناك
تروحين وتردين بالسلامه والي انصحج فيها استراليا بالجولد كوست او تايلند بجزيرة بوكت
والسنة اتمنى لج سفرة حلوة وموفقة يا رب وبلجيكا اذا كانت اول مرة تسيرين لها أشجعح عليها لانها وايد وايد حلوة ومنها تقدرين تسيرين وايد بلدان ثانية .نفس الشئ المانيا بس بلجيكا أحلى هذا وجهة نظري ..
رحلة موفقة وسعيدة ومريحة يا رب والله يوفق الجميع
وننتظر الباقين
وانا وياج ننتظر الباقين
حبيت استفسر من الأخت نور السحاب اذا مافي مانع لأني ناويه أسير بلجيكا والمانيا السنه بس مب عارفه كيف ارتب للرحله وشوالفنادق اللي احجزها