استشارة قانونية بموضوع الطلاق 2024.

السلام عليكم و رحمة الله و بركاته

ماعرف اذا كان مكان الموضوع فهالقسم او لاء ..
و اسمحولي اذا كان غلط

انا ما اسال لانه يخصني .. (( بعيد الشر عني .. ابا ريلي و يباني )) اسال حق وحده اعرفها

بس حبيت استشيركم و أسأل صاحبات المعرفة عن شي ..
خصوصا اللي دارسات قانون او اللي سبق لهم تعرضوا لهالموقف
او اللي تعرف محامي تساله

اذا قلنا انه

حرمة و ريال يبون ينفصلون .. و الريال يغث الحرمة وااااااااااايد عشان هيه تطلب انه تنفصل عنه عشان هوه ما يبا يدفع المؤخر يمكن ..
و الحرمة ما تبا تقول انها ما تباه .. لانها تعرف انه ما يبا يدفع مؤخر و لا حتى نفقه .. يحق لها تاخذ مؤخرها ..
علما بانه هوه مقاطعنها من زماااااااان .. اكثر من شهرين يمكن ..

فهالحاله شو التصرف اللي ممكن تتصرفه الحرمة بحيث انها تضمن حقها ؟؟؟؟
للعلم انه الريال مبين انه مستحيل هوه اللي يطلب الطلاق ..

خواتي .. محد يقول تشتري راحتها ببيزاتها .. البنت صغيره و ما عندها بيزات و اهلها ما يقدرون يدفعون و لا جان فروا البيزات بويه ريلها

اتريا الردود

و يا رب تسهل الامور

حبيبتي سوء معاملة الزوج ما تسقط حق المراة في مؤخر الصداق او النفقة انا حضرت محاضرة وكان فيها مشتشار قانوني في الاحوال الشخصية وقال هذا الكلام او حتي لاي سبب لو الحرمة تبا تطلق ما يسقط حقها في المؤخر ولا حتي النفقة والله اعلم

بسأل حميتي وبرد عليج..
لأن هي قانونيه وادرى بهالسوالف..

مع اني متأكده مليون بالاميه بان هو اللي بيكسب فالنهايه

الله يصلح بينهم يارب..

الغاليه انا الحمدالله والشكر محاميه عاطله اقصد طلعت من زمان من مهنة المحاماه بس انشالله اقدر افيدج
اذا الحرمه ماتبا الريال لازم هي تتنازل عن الموخر امااذا الريال مايباها محقها تاخذ المؤخر
مااذا كان الهجر شهرين مايله خص لازم اقل مده عند العلماء 6 شهور وتيب شهود انه هاجرنها 6 شهور بعدين علي حسب رجاحة القاضي بس اذا عندها عيال غصب عنه يعطيها نفقه بس هي اذا ماتريده ويعامله بسوء تقدر تروح المحكمه وتاخذ شهود تشكي سوء المعامله

الغاليه خليها تروح للمحكمه تطلب الطلاق للضرر و هم بيحفضون حقها اكيد حرام تسوي خلع و ما تاخذ منه شي انا اتكلم عن خبرة

الغاليه لو طلبت الطلاق اول لازم يروحوا اثنينهم الى التوجيه الاسري

وهناك يحاولوون يعرفون شو اسباب المشكله

وكل واحد يقول الي عنده

يا يتفقون قدام الموجه الاجتماعي ،، يا طلاق بما فيه من ماخر ونفقه وغيرها

و يقدم لك واحد منهم ورقه ويتجهون الى المحكمه