هي عندها مشكله ثانيه وهي اسلوبها وهذا ينتقدونها عليه البقيه في العمل
يوم مثلا تشوف مشكله او خطأ عند زميل او زميله في العمل تعطيه في وجهه على طول 
حتى لو شغله مايعنيها
يعني من فتره كانت زميله لها مطلوب منها انها تطبع مادري ميمو او شي من هذا القبيل
فكان باين في البرنامج خطوط حمراء على الكلام يعني بمعناه غلطات املائيه
راحت خبرت زميلها ان ليش كله غلطات؟ ليش جي
وللعلم هي مب شغلها او مب مهمتها بس كانن في نفس الغرفه وقالت لها ليش كله غلطات وجي
فراحت زميلتها زعلت منها وصار بينهم تجريح بالالفاظ!
بمعنى تجريح كبير
وزميلتها صارت تقول لها ان ماعندك اسلوب والكل يقول نفس الشي عنك في المستشفى! ممممممممممم
انا اعرف اسلوبها انا متعوده عليه
بس مرات بعد اتضايق منها رغم اني ربيعتها
يعني مثلا بالنسبه لي يوم تشوفني لابسه شي ماعجبها على طول تكشر او يعني
يوم كنت ادرس عندها في الجامعه يوم نشترك في مشاريع ماتاخذ راي يوم تريد تغير شي!
بس انا متعوده عليها
يوم سالتني قلت لها ماقلتي شي غلط بس يمكن كان لازم تطرحين الكلام بشكل ثاني
هي صارت تبكي وحاله وانا ماقلت شي!
انا من النوع اصبر عليها عشان اعرفها من زمان بس في العمل مااعرف يمكن هي غلطانه او مب غلطانه مااعرف
فشو رايكم باسلوب التعامل مع الزملاء في العمل؟
اعرف انه شغل فكل واحد يقول رايه حر
ولكن هل لازم الواحد يكون كله ذوق هههههههههه من تحت لفوق عشان ماينفهم غلط
صح اختي لازم اتثمن الرمسة اللي اتقولها انتي مش نفس البنات اللي تتعامل وياهم وبيتحملون رمستها … يمكن انا اتحمل بس غيري مايتحمل رمستها وبعدين هي لاتتدخل في شي مايعنيها عسان ماتحصل شي مايرضيها . اليوم هاي قالت في ويها الكل يقول عنج باجر حتى الشباب بيرمسون في الدوام وبيقولون نفس الرمسة .. وهي باجر بتي وحدة ادفش منها ومابتتحملها بعد لنها دوم تعطي كاش وفي الويه .. ترى كل شي بالاسلوب .. اقدر اقول بطريقة مختلفة تعالي انعدل الاخطاء وقد ماتقدرين حاولي اجيكين على الاخطاء لنه مش حلوة ادخلين شي على مسؤول او مسؤولة وفيه تنقيع .. بس بطريقة حلوة مش بدفاشة ^_^
صح الواحد لازم ينتبه على اسلوب كلامه
بس في راي يقول ان كل واحد يحب شخصه يمشي صح
هي يمكن تسكت لهم بس هم يمكن مايسكون لها!
تحدث
بس بشكل عام لازم في طريقه للطلب وفي مسايره
هي حتى الصديق اذا ماحترمتيه يتضايق!
والاخوان ممكن يسكتون عن اشياء بس اتصور مب دوم!
بس العمل فيه حساسيه كبيره
ولكن المشكله مسؤولة القسم ماتتكلم
يعني حتى لو شكيتي لها تقول
شي واحد
نحن هني للشغل حلو مشاكلكم بين بعض بس المهم الشغل ينجز!!!
حتى مره في وحده اشتكت على موظف اهان شغلها بانه غير مهم
وكان يستفزها بالكلام
بس عادي قالت لها ليش ماتردين عليه!يعني مايشغلونها بالاشياء العاديه
يمكن معاها حق كنظريه ان المهم الشغل وباقي الامور جانبيه
الاحترام و المجاملة ضروووري في كل الحياة العمل و الزواج و البيت
مثل ما الواحد ما يحب حد يجرحه مفروض ما يجرح الناس
عامل كما تحب ان تعامل
بس الناس تمشي على هواها!