خواتي شحالكم؟؟ شخباركم؟؟؟ >_< من الحرة الي فيني بدخل في الموضوع علطول….
انا من كمن يوم سرت الصحارى مول ويا ريلي جان اشوف وحدة و يا ريلها الله لا يراويكم شكلها نص شعرها طالع و لابسة نظارة شمسية و الجحال و المكياج ما شالله ميكب عرس و المشكلة انهم مب صغار او مراهقين شكلهم معيلين بعد و الريل ما شالله عليه مستانس و كل من هب و دب يطالع مرته جنه يتفاخر بجمالها ؟؟؟؟؟ وين الغيرة ؟؟؟؟؟ كيف يرضى لحرمته تطلع بها المنظر وياااه ؟؟؟؟
و موقف ثاني بعد وحدة طالعة مع ابوها؟؟؟ و لابسة عباية مفتوحة و تحتها بنطلون و مطلعة قصة مع انها مب صغيرة وايد و ابوها مب كبير وايد ؟؟؟؟ و الاخو الي يطلع مع خواته و كل وحدة نظارة شمسية(((مع انهم داخل المول و بعيدين عن الشمس))) و عباة مترصصة؟؟؟ و الصراحة مواقف واااايد لو بتذكر ما بيخلص الموضوع >_< ما اقول غير (كلكم راع و كلكم مسؤؤل عن رعيته)
انتو يا خواتي شو رايكم بهالنوع من الرياييل؟؟؟؟ و اسمحولي طولت عليكن 
كيف جيه مايغارون
جفت واحد شكله معرس يديد
يمشي ويا حرمته اليديده
ولا الحرمه مطلعه شعرها من ورى والشعر مصبوغ بني
والمكياج ع ويها
بس وين غيرتهم هذيله؟؟
طبعآ مب كلهم
بس هذيله اللي ماعندهم غيره الحمدلله قله
لدرجه اني شفت الفرق في ……… ولاحظت هالشي ليش الرياييل مثل ماقالت اختي مال …….. حريمهم نفس ماقالت مب كلهم بس اغلبهم
شو الموضه عندهم والا يراوون الناس انهم open mind
الله يستر ع الجميع
تأكد الي مايغار عليك مايحبك
واحد مواطن شرط على أمه أنه يزوج مواطنه بس على شرط تكون فري وتلبس قميص وبنطلون وقصير وطبعا مستحيل تلبس العباه وشيله.. وياليت لو هو عنده شهاده ثانويه ولا عنده منصب ولا حتى غني.. المهم الأم راحت ادور له هذي البنت البنات الفري رفضنه قالن نحن صح فري بس عباتنا وشيلنا لا ما انودره.. المهم تزوج لبنانيه ومن حسن حظه انها مسلمه وهي ما رضت به إلا بسبب فقرها وتتحرى أن كل المواطنين أغنياء.. المهم مر على زواجهم سنتين وهذي اللبنانيه تأثرت من خوات ريلها الي يطلعن وهن محشومات وساترات.. وهن أبد عمرهن ما قالن لها تحجبي.. أو حثوها على الحجاب.. بس تأثرت بالمعاملة الطيبه منهن.. فقامت تسوي مثلهن وتلبس شراتهن.. عاد الزوج انصدم وعصب واغتاظ يوم درى أن حرمته تحجبت.. بالله في الي شفتيه على قولتج
جنه يتفاخر بجمالها ؟؟؟؟؟
وفي من نوع الي يشوف ان هذي ضريبة الزمن والعولمة.. وفي من نوع الي يغار ويخاف الله.. والله يستر ع الجميع
والله يستر عليهم وعلينا ويهديهم ويهدينا يارب العالمين
البعض منهم عندهم يهال
و الام الله يهديها بكاااااااااامل كشختها
و زوووووووجها وياهم
وداااااااااايماً افكر .. اقول هاذيل مايحبون حريمهم؟؟؟؟ ما فيهم غيره؟؟؟
سألت اخوي قالي بعض الرياييل ايحب يكشخ بزوجته
يعني شوفو حرمتي حلوه و كشخه