اصبر والا اسير المستشفى ؟؟ تعباانه !! 2024.

السلام عليكم
خواتي انا عندي االدورة منتظمة ولله الحمد سرت المستشفى جيكولي عالهرمونات والمبايض والرحم كل شي طبيعي والحين الدورة عندي متاخره 5 ايام !! جيكت فالبيت طلع سالب وسرت العيادة سويت فحص دم طلع بعد سالب قلت خل اصبر يتنزل بروحها كان اييني ويعها بس الحين ماشي بس المشكلة اني تعبانه واقول حق ريلي بسير عند الدكتورة قالي اصبري يمكن حامل و بعده مابين !! صدري ينغزني وضاربتني لوووعه و ويع راس وكسل يستوي ان الحمل ما يبين الحين ولا شو ؟؟؟ او يمكن حمل متاخر ؟؟
اتمني من كل اللي مر بمثل حالتي يخبرني يزاكن الله خير

سامحوني على الازعاج

هلا حبوبة ما ابا احبطج بس مادام ما طلع في البول ولا الدم معناته لخبطة هرمونات وانتي عندج ايحاء نفسي بانج حامل علشان جذي تحسين بهالاعراض…(اكلمج عن تجربة خاصة مريت فيها) والدليل اول ما بتنزل الدورة كل الاعراض بتسير…

هلا اذا تعبااانه روحي العياده واذا بخصوص الدوره متاخره اصبري يمكن حااااامل انشاااااااء الله ؟
انا يوم حملت مابين من اول اسبوع من تاخير الدوره
اصبري كم يوم وانشاء الله خير ؟
وطمنينا شو صار معاج الغلا

انا سمعت فيه بنات ما يبين عندهم الحمل من اول مره في البول الله يعزج ولا فالدم
ويكون حمل متأخر….فإن اشاءالله تكونين حامل …وعندج حمل متأخر.,…,
انسي الموضوع….ولا تفكرين بالحمل وايد….وبعد فتره عيدي الفحص
ولو الله لا يقول طلعتي مب حامل ….شيكي مره ثانيه عند الدكتوره عسب تأخر الدوره

اختي الاحسن انج تصبرين كم يوم وعقب ردي سوي تحليل

واذا ما طلع انج حامل وهاذي لخبطة هرمونات ,,, عليج بشرب عاصير الاناناس انا وايد فادني لان الدوره متلخبطه عندي بس يوم كل يوم اشربه اعتدلت عندي الدوره الحمد لله

اصلان لخبطة الهرموونات تتعب وااااااايد

أنا راي انج تتريين الدورة يومين زيادة .. يمكن تشرف بروحها

انا جيه تأخرت عليه اسبوع وشي

وكنت حاسة مثل ماقلتي.. لوعه ودوخة وتعب

وعقب بروحها شرفت..

وانتي ان شاء الله تطلعين حامل

بس خلي فبالج إنه يمكن مايطلع حمل عشان ماتضايجين ولا حتى إتعبين نفسيتج

والله يرزقج الغالية

الغاليه ان شاء الله خير

اصبري شوي و بتعرفين

وحدة اعرفها كانت فيها نفس اعراضج اعراض الحمل كلها تقريبا بس تسوي فحص ما يبي حمل

الدكتورة قالت لها اصبري بعد 10 ايام و بنسوي لج فحص ..

اتريي شوي وسيري افحصي يمكن انتي من النوع ايل ما يبين لهم الحمل بسرعه ..

واحس الي فيج اعراض حمل