اصول مكياج النهار
شوفي ويهج يبيله وايد تغطيه ؟؟ يمكن بس يحتاج كريم اساس خفيف يمكن بس يحتاج بودرة اساس يمكن بس كونسيلر تحت العين يمكن ما يحتاج لاي نوع من طبقة الاساس
كل ما قللتي الالوان بمكياجج كل ما كان شكلج احلى
استخدمي البرونز لفصل الصيف روعه حق النهار وعلى شكل بودره احلى من الكريم خاصة حق جو الكويت الحلو … بس لا تحطين وايد يصير ويهج جنج محروقه او برتقاليه ترى مو حلو
بالنسبه للعيون لا تثقلينها بالالوان الفاقعه او السودا وخليج بالوسط اعتمدي على المسكرا واستخدمي الوان فاتحه وجذابه ولايقه على لون بشرتج ولشكل جذاب اكثر استخدمي قليل من قلتر العيون الذهبي وحطي منه القليل فقط على الجفن العلوي او السفلي
استخدمي كحل ازرق او اخضر او بني
لا تغمجين حواجبج وايد او ترسمينهم جنج رايحه حفله
بالنسبه للشفاه استخدمي الوان براقه وفاتحه مثل الزهري والمشمشي وحتى القلوس الاحمر الفاتح والكرزي مع عيون عاريه على قولتهم يعني مكياج العيون خفييييييييييف والشفايف لون جذاب
البلشر او بودرة الخدود خليها فاتحه وعلى طبيعيه ولا تخلين عليها لمعه ترى مو حلو ودايما بالنهار تحطين البلشر بشكل خفيف وطبيعي على تفاحة الخد مو على كل الوجه
اعتمدي على النظارات الشمسيه اذا مالج خلق مكياج
حاولي ان تضعي المكياج باقل من 10 دقائق حتى تعمدي ان يكون المكياج ناعم ومناسب للنهار وايضا اعمدي على استخدام اصابعك لوضع المكياج خاصة للقلوس الشفاه والشدو حتى يكون شكلها طبيعي ميه ميه
اختاري الوان مناسبه للون بشرتك
ابتعدي ابتعدي ابتعدي عن مكياج باربرا سترايسند للنهار على بو انه مكياج الوانه فاتحه واقصد بهذا النوع من المكياج اللي يشبه مكياج سعاد حسني بحيث وجهك يكون كأنه محقون من الشمس والسبب كثرة البرونز او يكون كريم اساس ثقيل وماسكرا ثقيله وحمرا كأنها بيضاء والسبب انك تريدين الوصول الى مكياج الوانه هاديه بس هذا حقا المكياج مزعج
منقول ……