خواتي شو الحل مع هالفئه من البنات الي بلا اخلاق ولا خوف من الله .. تغازل ولاهمها ريال متزوج ولا عزابي تخون ثقة اهلها وتخرب بيوت الناس وماتخاف من عذاب القبر ..
اريد اعرف شو الحل ؟؟ المشكله هالبنات قوايا
هل في رقم شرطه ولا آداب نتصل ونشتكي على صاحبة الرقم الي تغازل؟؟
ياريت تساعدوني
ما في داعي تدعي وتشلي اثم اهلهم
صدق يبالهن حد يأدبهن.
البنات هالايام وايد سطحيات.. يدورن واحد يصرف عليهن بدون مايطلب زواج.. يعني بس سوالف..هن يتحسبن ان هذا شي عادي اونها ما بتسرقه من حرمته..
الله يهديهن ان شاء الله.. رمضان باجر.. لاتدعين عليهن.. ادعي لهن ولريلج بالهداية
!!!!!!!!!!!!!
شوفي الوقاحه وين وصلت..
بليييز الي تعرف كيف نشتكي عليهن ونأدبهن ونوقفهن عند حدهن ماتبخل علينا
ولا الدنيا بالعكس صارت…..واذا شافن الحرمة ويا ريلها حراااام يتحسن نفسهن احلى بس مثل ما اقولج الله يعزن عن ها الاشكال الي عندهن نقص في الدين والعقل وكثرة في الجمال الزايف……………..الحمدلله كل وحدة تثق في نفسها ولا تنقهر من الاشكال هاي بس ربي يهديهن ويهدي اهلهن الي ربي يعينهم….
المشكله يقول انها عنده في الدوام وفنشت وتتصل بها اونها تباه يرجعها الشغل !!!
بس مادخلت مزاجي..حسيت انه فيه شي بينهم..بس الحمدالله انه الفتره ماكانت طويله الي كانو يرمسون فيها..4 ايام وسويت لهم فضيحه..بس XXXXX ابا اسويلها فضيحه عند اهلها عشان يصلبونها..يوم اطرشلها مسج اسبها تروح تطرشه حق ريلي.. شوفو وين وصلت بها اللعانه ؟؟
سالفة تراقبين ريلج هاي موب عملية ابدا
لأنج في النهاية بتتضاربين وبتحشرين الدنيا ولو مايباها بتكبرينه في عينها
بصراحة وهاي تجربة شخصية ..
عرفت عن واحدة انها تتصل بزوجي .. بالصدفة عرفت أن ا لظاهر انها تتصل له ع التلفون الثابت في السيارة
وكانت السيارة عندي هذاك اليوم
المهم رديت وتمت صاخة وعقب بندت
ورديت اتصلت بها وتم يرن لين انقطع
خذت الرقم واتصلت ع واحدة ربيعتي في اتصالات وجابت لي البيانات
اتصلت لها كم مرة ماردت علي
ارسلت لها مسج اني عرفتج من تكونين وانتي فلانة الفلانية وتشتغلين في المكان الفلاني
ورقمج هذا اتصلت على خدمة الامين في شرطة دبي وعطيتهم كل بياناتج انج مغازلجية وخرابة بيوت
وكان بتصدقون اتصلت تصيح وتناشغ وتقول ان ريلي هو اللي يلاحقها وهي مسكينة فقيرة في حالها
وانا مسكت اعصابي ومول ماقلت لها شي قلت يمكن انها تسجل المكالمة
كله انزين … وبعدين ….
يوم خلصت رمستها قلت لها شوفي … اذا شفت رقمج او حتى بدلتي رقمج لأني بعرفج مثلما عرفتج المرة الأولية
حرام اني اجي مكان شغلج وجدام كل الموظفين امسح فيج الارض واكشفج
واروم اوصل لين بيتكم واسوي لج فضيحة في الفريج كله …
وبس ومن يومها انقطعت عنه ..
وجان تبون تضحكون ..تمت تطرش لي مسجات ادعية وجمعة مباركة …