نشوف كثير اطباق سوا حلويات او معجنات وحتى السلطات دامر في دامر
وسمنة في سمنة الله يكفينا الشر
وتعودنا على هالاكل الدسم اللي كل يوم نقول بكره ان شاء الله بنغير النظام
ونستبدل الثقيل بالخفيف والضار بالصحي بس نرجع على هالاطباق لاننا تعودنا عليه من صغرنا للاسف والان انا احاول اغير نظامي ونظام الصغار
اسوي سلطة بدون ضاافات مايونيز جبن مكرونه سلطة 100% بدون اضافات
اسوي لهم معجنات بعد زينه لصغار واسوي لهم بدال الحلو سلطة فواكه اللي راح اوريكم منها افكار حلوه
في البدايه كنت اسويها باضافات ( شفتي كيف متعودين نضيف ونحط ونزيد ما نخلي الشي صحي 100% لازم هالاضافات الله لا يبلانا)
بس الان الحمد لله بدون اي اضافات سوا دريم ويب واو ايس كريم الا نادرا من باب التغير كشكل وطعم على الصغار
وغالبا اضيف زبادي يعطيها نكهه حلوه وخصوصا اذا صار بنكهات
وبندا بالصور الحين وشوفي الافكار كيف
اول شي
سلطة الفواكة بسلة فاكهه شوفو كيف
(بالجح او البطيخ مثل ما يسميه البعض , الجرو , الاناناس )
هذي سهله وما يبغالها شي مجرد ما تنصفين الفاكهه وتفرغينها بعدين تحطين الفواكه فيها وياسلام على الشكل
وهذي حلوه للاطفال
وحتى ممكن تتقدم بعد العشا بدال الحلويات اللي نسويها
واتمنى استفدتو من هالصور
وجمعه مباركه
اللهم صلي وسلم على نبينا محمد وعلى اله وصحبيه اجمعين
اكثرو من الصلاة على حبيبنا المصطفى في هذه الجمعه المباركه
ولا تنسونا من صالح دعاكم