اليوم بقولكم سالفتيه ويا هالدريول باباتي الله يطول ف عمره ربيعه مصري من احنا صغار وكمل ماشاء الله في الإمارات 20 سنة عدنا ويشتغل مع باباتي وكنه ابونا الثاني وهو فكر انه يرد لمصر ودريولنا الباكستاني ويانا من سنيين حلييله سواقته زينة والحمدالله وحليله ابوه توفى و امه تمت روحها ف بكستان وقال ادريول انه بيسافر لبلاده للأبد لأنه ما يقدر يخلي امه بروحها و ربيع باباتي المصري قال بييب ولد عمه هو صغير ف السن يعني قولو عمره 22 سنة انزين و ماشاء الله يخاف ربه و حافظ القرآن الكريم كله وكلنا قلنا اوكي خلاص نباه و استوا عنده ليسن فل امارات لأنه اول مرة ايي الإمارات و جفنا سواقته زينة والحمدالله وبعد ما مرت الأيـــام سواقته ارف يلف بالقو و وايد يسرع في الأماكن ( الشواع الضيقة وين صوب الباركناات ) وكله عنده هرن هرن هرن اف حتى السيارة الي مافيها حد مبركنة وفاضية يدق هرن ياخي وين تبى ويسرع في دوار الصراحة الي يركب سيارتنا تقولون قطار الموت وقبل كانت اماية راكبة السيارة ويا العيال جان فجأة يعطي بريــــكـ وحتى أخوية انصقع ع دريشة خيــبة واماية قالت شوي شوي عالسيارة كلنا تعورنا و يوم ردت البيت قالت حق باباتي والله انا اخاف على عيالي شئ يستوييلهم و أسبه هو وبعد مرة ودانا كان مسرع وكنا متأخرين نبا نسير مكان وفي الإشـــــارة كانت خضراء وهو مسرع عسب ما تستوي حمراء وماكنا منتبهين انه مسرع وايد جان تستوي حمراء ووقف بريك وانا بروحي اتعورت ووقفنا نص الشارع تخيلووو !!! وبعدين كمل يعني عادي يعطوونا مخالـــفة اكثر من 3000 درهم وفوق لأن هالشئ ما ينسكت عنه وبعدين كلمناه شوي شوي ياخي سواقتك مش حلوة قبل كنت احسن هالأيـــام كله مستعيل وحالتك حالة هد أعصابـــكـ !!!
قال سوري سامحونــي والله عشانكو كنت بسرع عاد بالمصري واحنا منقهرين وبعدين كرهنااه كره !!
وانا كلمت باباتي وامية قلتلهم خلاص ماباه يشتغل عدنا ما أقدر اتحمل سووري قالو ما علي اصبري ما حصلن دريول عدل واماية يايبة اكثر عن 4 وكلهم سواقتهم قحط قالت اصبري لين
ما ندور دريول وقلت اوكيه و فجأة استوا منجلب اونة يبا يقهرنا ويسووق 80 بطييئ حتى حق الدوامات ما يقدر يسرع شوي يغايظ يقول مب انتو الي قلتو ما تبوني اسرع وقلتو حق ابوكم ومغيظ سير دق راسكـ عاليدار ابرك قلنا هي بس انت تسوق سرعة في الدوار وتلف سرعة تجاوز سرعة حتى ظهورنا تعورنا اسرع عادي مش وااايد تم ساكــت وقبل بعــد اذكر يوم كنا موقفين عند الدكان و اخوية واختي نزلو واشترو وخلصو كنا مستعيلين نبا نسير وتخيلو يوم خلصوا وركبوا السيارة سار الحبيب نزل من السيارة وراح الدكان نعم !! انت تستهبل من الصبح ف سيارة شو تسوي ليش ما رحت الدكان قبل وتشتري سار و أشترى كولا و بيبسي وحلويات حالته حالة و يضحك ويسولف واحنا متأخرين وانا معصبة ابا اعطيه طرااق قلت ما علي بطنش بعديها هالمرة و ماشئ بعدين حسييته اسطلب بس بعده ويا حركــاته السخييفــة ويوم كنا رادين من الدوام جان اعطيه خمس 5 واختيه عطته 5خ عسب يسير الشيشة ويشتري من المطعم وهي قالتله ابا جي جي جي و انا قلتله ابا ريد بول عاد انا مدمنة ع ريد بول بس الحين اهملته خلاص ما اشرب !! و احســن !! تخيلو سار ويابلي ريد بول كبيييير ويديد مال 9 دراهم وانا قلتله مب جني قايلتلك تييب مال بو 5 وانت تستهبل قالي اسف والله انااسف ويبتسم مالت عليــه اكرهه وقال هادي 9 هاي فلوسي قلت خيبة تخيبك اندووكـ مافيه على مذلة المصاروة على 9 دراهم وكرهته كره ولين الحين كارهتنه بس اسطلب هالأيــام والله يهدييه !!
=( وهاي قصتيه مع هالدريول
أنا مستغربه كيف تحطون دريول عربي من الأساس
وبعدين هذي حركات الدريولية كلهم ..
أنا من رايي تتعلمين سواقه بروحج أنتي ولا حج من خواتج وتفتكون ..
لاحول ولاقوة إلا بالله
المشاركة الأصلية كتبت بواسطة أم سعيد 15 
لاحول ولاقوة إلا بالله
هو ما يعتبر صغير وكبير ويخاف ربه بس حركـــاته تقهر
اففف نفس حركات دريولنا عيزنا واحنا نرمس بس مب محصلين غيره
والله انه انزل من السيارة ظهري بينقص علي من السرعه ولا يوم انتي متأخرة يمشي عاااالبراد