السلام عليكم ورحمة الله وبركاته ..
يشرفني اني اكون عضوه في هذا المنتدى الرائع .. والتمنى انا الاقى معكم المساعده و نصحيه
انا امراه اماراتيه .. من اصل مصري .. وزجي اماراتي وعندي الجنسيه الاماراتيه .. ويوم ييت الامارات كانت سنة 1974م .. وكان عمري ايامها 16 سنه .. طبعا الاقدار ونصيب خلتني ايي الامارات الحبيبه .. الي افضالها علي كثيره وكبيره لا توصف . . تركت بلادي وانا صغيره وتغربت عن اهلي وناسي في بلد ما اعرف فيه احد ابدا .. ريلي كان شاب طايش .. ومع هذا تحملت وتحملت القعده معاه لاني خلفت ويبت بنت .. وقلت الصبر والله يجزيني خير .. وقامت تيني المشاكل وجازفت في حياتي واايد.. كان ريلي يسوي المشاريع .. وتتراكم الديون عليه .. وكان ايني ويقولي والله خسرت مشروع ويبون عليه فلوس.. اعصب عليه لمصلحته وانصحه ويقولي خلاص هذي اخر مره توبه ما اسوي مشاريع بس اسد ديوني هالمره .. وكنت اصدقه وقوم في يومها ابيع ذهبي .. وتسلف من الناس الي اعرفهم زين وسد ديونه بس علشان ما ينسجن ويخسر شغله .. وطبعا بعد علشان منظر عيالي وخاصة الاولاد جدام الناس .. .. وكنت اقول ريلي احسن عن غيره بوايد وباجر يتصلح حاله.. وغير جذيه كان شغله كله زمات لانه هو في القوات المسلحه كان يروح شغله ويقعد بشهر ويودرني بروحي انا والعيال بس .. وكنت اضطر اطلع والشتري اغراض البيت .. عمره ما فيه احد من اخوانه او اهله دق عليه الباب في يوم وقالي شي ناقصج من اغراض .. او حتى في احد يي وقال بطمن على عيال اخوي شو احوالهم .. وكنت اقول ما عليه انا لا ناقصني ريل ولا نقصني ايد اسد حاجة بيتي .. والله حفظت بيتي وعيالي وفلوسه .. والحمدلله سمعتي بين الناس زينه.. ما حد في يوم تكلم عني كلمه .. .. ما ظريت نفسي ولا ظريت عيالي في يوم .. كنت ماشيه صح في دنيتي . كان خوفي من ربي اهم من أي شي .. صبرت على ريلي فوق ما تتخيلون.. .. وبعد ما خلفت سبع عيال الحمدلله تصلح حال ريلي وصار ملتزم ومتدين مطوع .. ما يفوت صلااه .. وفرحت واايد وقلت الحمدلله الله عوض صبري خير .. كان يسافر في سبيل الله يقعد بالاربع شهور في الخارج .. وكنت صابره واقول الحمدلله انه اهم شي تغير حاله .. وصار زين .. بس لاسف من تدين .. وهو يسمع كلام المطوعين .. يوم يقلون يوم تقدر على انك تتزوج 2 او3 تزوج .. وفرج هم ارمله او مطلقه بعيالها .. وكان ايبلي وايد سالفة الزواج انه يريد يتزوج وجذيه .. ما كنت اصدقه كنت اقول لا يمزح بس معاياا … استحاله اصلا ريلي يتزوج عليه . اخر انسان التوقعه انه يتزوج على زوجته ريلي .. .. استحاله ويتركني ويتزوج واحده ثانيه .. وبعد الي اكدلي اكثر لانه كان وااااايد يحبني وما يصبر عني ابدا .. ويوم يكون في شغله لازم قبل لا يرقد يكلمني ويقولي برقد .. ولو اكون عند اليران .. ما ينام ويقعد يتصل ويتصل لحد ما ارد البيت ويكلمني .. ويقولي انا برقد .. ويتصل في اليوم ولا خمس مرات يطمن علي وعلى البيت والعيال .. وبعد الي كان ماكدلي اكثر واكثر انه وايد يحب عيااله وما يصبر عنهم ..
الا ان في يوم قتله اريد اسافر مصر اشوف اهلي .. وهو صراحه عمره ما قتله اريد اسافر وقالي لا .. المهم سافرت مصر انا وعيالي .. وكان يتصل علي من فترة لفتره .. ويوم رديت البلاد من ساعة ما شفته في المطار قلت انه مسوي شي .. لانه شكله غريب ولا قادر يحط عينه في عيني .. المهم سكت ورحت البيت .. وقام يسوي حراكات عمره ما كان يسويها مثلا يطلع ويقول بسير ايب بيبسي من الدكان .. ويتلكم في تليفون .. الا انه في مره قتله انته متزوج .. سكت وقالي هيه متزوج .. انصدمت وزعلت وايد .. ما تتخيلون ما وقفت صياح .. مرضت وقام يغمى عليه .. ما تحملت كانت صدمه كبيره عليه .. قلت ليش .. تحملته وايد .. ما قصرت فيه .. عطيته كل شي يطلبه منى .. عمري ما قلتله لا .. تحملته في ايام الطيش .. ساعدته وسددت ديونه .. وكنت اوقف معااه في كل صغيره وكبيره .. عمري ما تخليت عنه في وقته الشده وفي كل شي اقول ابدا ما اخليه.. وما تقبلته بعدها .. وقمت يوم اشوفه ما ااعطيه ويهه .. لانه جرحني وبدون سبب .. الناس كانوا يقلون ما نصدق انه هذا الانسان يتزوج عليج .. لانه الي سويته علشانه ما يخلي احد يصدق هذا الشي .. بس الي صار صار .. وزوجته اخذت فلوسه .. وكان تسافر في سنه ولا اربع مرات .. تاخذ منه في كل فلوووس هالكثر .. يقصر فينا ويعطيها هيه .. ويوم اقوله اريد فلوس يقولي مديون وانا ما عندي حتى بترول ما عندي اصدقه اقول حليله ما عنده .. ومع انه متزوج.. كنت ارحمه .. واقول صدق من وين بيب .. لو عنده بيعطي عياله ما بيعطي زوجته الثانيه.. وغير جذيه انه ما كان ايي البيت .. ويوم يتصلون عليه العيال وينك .. يقولهم انا هنيه عند الحرمه قاعده بروحها ويوم كان ايي بس يشتري اغراض ويرجع مره ثانيه .. لين ما زوجته سوت على ضهره ديون هالكثر وسافرت بلادها بعد ما تطلقت طبعا .. ردلي ساعتها يقولي مديون وفلوس عليه .. وهذا يطالبني .. وقمت بساعتها بطيبتي وبطيب اصلي .. بعت ذهبي .. وسلفت وسددنا كل الديون الي سواها.. وقتله بتسوي مره ثانيه شي .. قالي لا توبه ما اسوي أي شي .. وقلت خلاص بعد هالمره ما ظن يتزوج .. مع اني كنت شايله عليه وايد .. بس قلت ما يخالف طالع وداخل على عياله .. وصار زين .. وبعد كم سنه قام يقولي انا بتزوج عليج .. انا بصراحه مب مرتاح .. انتي يوم كنت ايي اسوي شي كنتي تعصبي عليه وتهاوشيني .. وانا كنت اعصب عليه لمصلحته .. وكنت اقوله تزوج لو تبى تتزوج .. لكن بداخلي كنت اقول استحاله يتزوج .. الي شافه من زوجته الاوليه يخليه ما يتزوج .. وكان يزعل من غير سبب .. وانا كنت ساكته عنه .. وكان يرد ويصالحني .. وكنت اطمن من ناحية الزواج مره ثانيه .. لكن للاسف صدمني .. وبصدمه اكبر من الصدمه الاولى .. تزوج وكان زواجه في فندق .. والكل كان معزوم .. واهله وامه واخته .. طبعا امه واخته فراحنين .. مب فراحنين لزواج اخوهم .. لا فراحنين فيه انا .. لانهم عمرهم ما حبوني .. والمشكله انه زوجته مب عربيه .. يعني يبدي واحده مب عربيه عليه انا .. والمشكله اني انا ما كنت اعرف انه عرسه في هذاج اليوم .. وانصدمت من ياري يوم قالي بس كان في اليوم الثاني .. اذكر اني سالته ياري ليش ما رحت عرسه انزين .. قالي كيف اروح عرسه .. انتي اختي .. الناس قالوا لي مافيه واحده بتصبر عليه كثر ما انتي صبرتي عليه .. انتي ما خسرتي شي .. اهو الي خسر وايد اشيااء .. لكن كيف هذا الانسان ينكر كل الي سويته فيه .. وغير جذيه يقولي انتي ما سويتي شي .. كل الي يذكره بس اني كنت اصعب عليه يوم كان يسوي اشياء غلط .. اقوله ما تذكر اني ريحتك.. عمرك طلبت مني شي وقلتلك لا .. يوم كنت ترجع اخلي البيت هدوء علشانك .. ما قصرت فيك لا ريوق ولا غدا ولا عشا .. اقوله انزين ما تذكر يوم كنت اسدد ديونك .. ما تذكر يوم حفظت بيتكم عيالك مع اني كنت صغيره في سن 16 سنه .. ما تذكر الي عطيته علشانك .. ما تذكر يوم كنت استناك .. ما تذكر أي شي غير اني كنت اعصب عليك .. بس لاسف ما الاقي جواب .. كل الي الاقيه يقولي زوجتي هذي احسن عنج .. ما تهاوشني ولا تقولي شي .. يقولي خلاص انا ما اريدج .. ولو تبين الطلاق سيري المحكمه طلبي الطلاق .. دوم يجرحني بالكلام .. يستفزني .. .. مستغربه .. ليش الدنيا صارت ما فيها خير .. الحمدلله انا بعدني قاعده حافظه بيتي وعيالي سواء موجود ولا مب موجود .. زوجة البنات وزوجة الاولاد .. وعندي احفادي مصبرني على الي انا فيه .. انا خلاص ما عاد فيه حب في داخلي ليه .. ولا ندمانه على الي سويته علشانه .. اقول اجر وبلاقيه عند الله . ولي الثواب .. والصبر جميل .. لكن ديما يدور في بالي ليش اهو سوى فيني جذيه .. حتى خيري ناكره .. مع اني والله العظيم عمري ما سويت شي لهذا الريال .. اريد اعرف سبب واحد علشان اقول صح عنده حق .. بس والله العظيم مب لاقيه اسباب تخليه يجرحني بالكلام .. الله يصبرني .. شو تنصحوني يا اخواتي ويا بناتي ..
يشرفني اني اكون عضوه في هذا المنتدى الرائع .. والتمنى انا الاقى معكم المساعده و نصحيه
انا امراه اماراتيه .. من اصل مصري .. وزجي اماراتي وعندي الجنسيه الاماراتيه .. ويوم ييت الامارات كانت سنة 1974م .. وكان عمري ايامها 16 سنه .. طبعا الاقدار ونصيب خلتني ايي الامارات الحبيبه .. الي افضالها علي كثيره وكبيره لا توصف . . تركت بلادي وانا صغيره وتغربت عن اهلي وناسي في بلد ما اعرف فيه احد ابدا .. ريلي كان شاب طايش .. ومع هذا تحملت وتحملت القعده معاه لاني خلفت ويبت بنت .. وقلت الصبر والله يجزيني خير .. وقامت تيني المشاكل وجازفت في حياتي واايد.. كان ريلي يسوي المشاريع .. وتتراكم الديون عليه .. وكان ايني ويقولي والله خسرت مشروع ويبون عليه فلوس.. اعصب عليه لمصلحته وانصحه ويقولي خلاص هذي اخر مره توبه ما اسوي مشاريع بس اسد ديوني هالمره .. وكنت اصدقه وقوم في يومها ابيع ذهبي .. وتسلف من الناس الي اعرفهم زين وسد ديونه بس علشان ما ينسجن ويخسر شغله .. وطبعا بعد علشان منظر عيالي وخاصة الاولاد جدام الناس .. .. وكنت اقول ريلي احسن عن غيره بوايد وباجر يتصلح حاله.. وغير جذيه كان شغله كله زمات لانه هو في القوات المسلحه كان يروح شغله ويقعد بشهر ويودرني بروحي انا والعيال بس .. وكنت اضطر اطلع والشتري اغراض البيت .. عمره ما فيه احد من اخوانه او اهله دق عليه الباب في يوم وقالي شي ناقصج من اغراض .. او حتى في احد يي وقال بطمن على عيال اخوي شو احوالهم .. وكنت اقول ما عليه انا لا ناقصني ريل ولا نقصني ايد اسد حاجة بيتي .. والله حفظت بيتي وعيالي وفلوسه .. والحمدلله سمعتي بين الناس زينه.. ما حد في يوم تكلم عني كلمه .. .. ما ظريت نفسي ولا ظريت عيالي في يوم .. كنت ماشيه صح في دنيتي . كان خوفي من ربي اهم من أي شي .. صبرت على ريلي فوق ما تتخيلون.. .. وبعد ما خلفت سبع عيال الحمدلله تصلح حال ريلي وصار ملتزم ومتدين مطوع .. ما يفوت صلااه .. وفرحت واايد وقلت الحمدلله الله عوض صبري خير .. كان يسافر في سبيل الله يقعد بالاربع شهور في الخارج .. وكنت صابره واقول الحمدلله انه اهم شي تغير حاله .. وصار زين .. بس لاسف من تدين .. وهو يسمع كلام المطوعين .. يوم يقلون يوم تقدر على انك تتزوج 2 او3 تزوج .. وفرج هم ارمله او مطلقه بعيالها .. وكان ايبلي وايد سالفة الزواج انه يريد يتزوج وجذيه .. ما كنت اصدقه كنت اقول لا يمزح بس معاياا … استحاله اصلا ريلي يتزوج عليه . اخر انسان التوقعه انه يتزوج على زوجته ريلي .. .. استحاله ويتركني ويتزوج واحده ثانيه .. وبعد الي اكدلي اكثر لانه كان وااااايد يحبني وما يصبر عني ابدا .. ويوم يكون في شغله لازم قبل لا يرقد يكلمني ويقولي برقد .. ولو اكون عند اليران .. ما ينام ويقعد يتصل ويتصل لحد ما ارد البيت ويكلمني .. ويقولي انا برقد .. ويتصل في اليوم ولا خمس مرات يطمن علي وعلى البيت والعيال .. وبعد الي كان ماكدلي اكثر واكثر انه وايد يحب عيااله وما يصبر عنهم ..
الا ان في يوم قتله اريد اسافر مصر اشوف اهلي .. وهو صراحه عمره ما قتله اريد اسافر وقالي لا .. المهم سافرت مصر انا وعيالي .. وكان يتصل علي من فترة لفتره .. ويوم رديت البلاد من ساعة ما شفته في المطار قلت انه مسوي شي .. لانه شكله غريب ولا قادر يحط عينه في عيني .. المهم سكت ورحت البيت .. وقام يسوي حراكات عمره ما كان يسويها مثلا يطلع ويقول بسير ايب بيبسي من الدكان .. ويتلكم في تليفون .. الا انه في مره قتله انته متزوج .. سكت وقالي هيه متزوج .. انصدمت وزعلت وايد .. ما تتخيلون ما وقفت صياح .. مرضت وقام يغمى عليه .. ما تحملت كانت صدمه كبيره عليه .. قلت ليش .. تحملته وايد .. ما قصرت فيه .. عطيته كل شي يطلبه منى .. عمري ما قلتله لا .. تحملته في ايام الطيش .. ساعدته وسددت ديونه .. وكنت اوقف معااه في كل صغيره وكبيره .. عمري ما تخليت عنه في وقته الشده وفي كل شي اقول ابدا ما اخليه.. وما تقبلته بعدها .. وقمت يوم اشوفه ما ااعطيه ويهه .. لانه جرحني وبدون سبب .. الناس كانوا يقلون ما نصدق انه هذا الانسان يتزوج عليج .. لانه الي سويته علشانه ما يخلي احد يصدق هذا الشي .. بس الي صار صار .. وزوجته اخذت فلوسه .. وكان تسافر في سنه ولا اربع مرات .. تاخذ منه في كل فلوووس هالكثر .. يقصر فينا ويعطيها هيه .. ويوم اقوله اريد فلوس يقولي مديون وانا ما عندي حتى بترول ما عندي اصدقه اقول حليله ما عنده .. ومع انه متزوج.. كنت ارحمه .. واقول صدق من وين بيب .. لو عنده بيعطي عياله ما بيعطي زوجته الثانيه.. وغير جذيه انه ما كان ايي البيت .. ويوم يتصلون عليه العيال وينك .. يقولهم انا هنيه عند الحرمه قاعده بروحها ويوم كان ايي بس يشتري اغراض ويرجع مره ثانيه .. لين ما زوجته سوت على ضهره ديون هالكثر وسافرت بلادها بعد ما تطلقت طبعا .. ردلي ساعتها يقولي مديون وفلوس عليه .. وهذا يطالبني .. وقمت بساعتها بطيبتي وبطيب اصلي .. بعت ذهبي .. وسلفت وسددنا كل الديون الي سواها.. وقتله بتسوي مره ثانيه شي .. قالي لا توبه ما اسوي أي شي .. وقلت خلاص بعد هالمره ما ظن يتزوج .. مع اني كنت شايله عليه وايد .. بس قلت ما يخالف طالع وداخل على عياله .. وصار زين .. وبعد كم سنه قام يقولي انا بتزوج عليج .. انا بصراحه مب مرتاح .. انتي يوم كنت ايي اسوي شي كنتي تعصبي عليه وتهاوشيني .. وانا كنت اعصب عليه لمصلحته .. وكنت اقوله تزوج لو تبى تتزوج .. لكن بداخلي كنت اقول استحاله يتزوج .. الي شافه من زوجته الاوليه يخليه ما يتزوج .. وكان يزعل من غير سبب .. وانا كنت ساكته عنه .. وكان يرد ويصالحني .. وكنت اطمن من ناحية الزواج مره ثانيه .. لكن للاسف صدمني .. وبصدمه اكبر من الصدمه الاولى .. تزوج وكان زواجه في فندق .. والكل كان معزوم .. واهله وامه واخته .. طبعا امه واخته فراحنين .. مب فراحنين لزواج اخوهم .. لا فراحنين فيه انا .. لانهم عمرهم ما حبوني .. والمشكله انه زوجته مب عربيه .. يعني يبدي واحده مب عربيه عليه انا .. والمشكله اني انا ما كنت اعرف انه عرسه في هذاج اليوم .. وانصدمت من ياري يوم قالي بس كان في اليوم الثاني .. اذكر اني سالته ياري ليش ما رحت عرسه انزين .. قالي كيف اروح عرسه .. انتي اختي .. الناس قالوا لي مافيه واحده بتصبر عليه كثر ما انتي صبرتي عليه .. انتي ما خسرتي شي .. اهو الي خسر وايد اشيااء .. لكن كيف هذا الانسان ينكر كل الي سويته فيه .. وغير جذيه يقولي انتي ما سويتي شي .. كل الي يذكره بس اني كنت اصعب عليه يوم كان يسوي اشياء غلط .. اقوله ما تذكر اني ريحتك.. عمرك طلبت مني شي وقلتلك لا .. يوم كنت ترجع اخلي البيت هدوء علشانك .. ما قصرت فيك لا ريوق ولا غدا ولا عشا .. اقوله انزين ما تذكر يوم كنت اسدد ديونك .. ما تذكر يوم حفظت بيتكم عيالك مع اني كنت صغيره في سن 16 سنه .. ما تذكر الي عطيته علشانك .. ما تذكر يوم كنت استناك .. ما تذكر أي شي غير اني كنت اعصب عليك .. بس لاسف ما الاقي جواب .. كل الي الاقيه يقولي زوجتي هذي احسن عنج .. ما تهاوشني ولا تقولي شي .. يقولي خلاص انا ما اريدج .. ولو تبين الطلاق سيري المحكمه طلبي الطلاق .. دوم يجرحني بالكلام .. يستفزني .. .. مستغربه .. ليش الدنيا صارت ما فيها خير .. الحمدلله انا بعدني قاعده حافظه بيتي وعيالي سواء موجود ولا مب موجود .. زوجة البنات وزوجة الاولاد .. وعندي احفادي مصبرني على الي انا فيه .. انا خلاص ما عاد فيه حب في داخلي ليه .. ولا ندمانه على الي سويته علشانه .. اقول اجر وبلاقيه عند الله . ولي الثواب .. والصبر جميل .. لكن ديما يدور في بالي ليش اهو سوى فيني جذيه .. حتى خيري ناكره .. مع اني والله العظيم عمري ما سويت شي لهذا الريال .. اريد اعرف سبب واحد علشان اقول صح عنده حق .. بس والله العظيم مب لاقيه اسباب تخليه يجرحني بالكلام .. الله يصبرني .. شو تنصحوني يا اخواتي ويا بناتي ..
الي كتب هذا الموضووع بنت صاحبة هذا الموضووع ..
عورتيلي قلبي قسم بالله ماعندي لج كلام ما اقدر افيدج سامحيني
احنا عندنا بمنطقتنا نفس السالفه تقريبا و ال تزوجها الثانيه كانت هنديه او اندونيسيه ماعرف بالظبط
بس فديتها مرته الاولى ماحد احسن عنها بس هو ال ما يستاهل
احنا عندنا بمنطقتنا نفس السالفه تقريبا و ال تزوجها الثانيه كانت هنديه او اندونيسيه ماعرف بالظبط
بس فديتها مرته الاولى ماحد احسن عنها بس هو ال ما يستاهل
ماعليه اختي سوي خير وعقيه بحر
اتحملي واصبري عشان عيالج
ومرده بيمل من الاجنبيه لان انتي الاصل والخير والبركه
فديتج يالغاليه ماعليج منه هو مايستاهلج سوي خير وعقيه بحر
اتحملي واصبري عشان عيالج وحفادج
والله يجازيج الخير من صبرج ان شاءالله
الله يوفقج انشالله يارب ويعوضج عن السنييييييين اللي
ضيعتيها مع هذا الشخص اللي ما قدر تضحياتج
ولا عرف قدر قيمتج ,,,
لكن في يوم ماااا راح اييج يحب ريلج عسب تسامحينه
لانه عمره مابيحصل وحده شراتج ,, صابره ومستحملة ومضحية
الله يجعل كل هذا في ميزان حسناتج ياااااااااااااااارب
والله يخليلج عيالج واحفادج اللي الله عوضج فيهم عسب تنسين ريلج
المراهق في الكبرررررر
ما شاء الله عليج ،، والنعم فيج أمي ..
يالله لج الاجر الكبير عند رب العالمين ،، ولج الفخر انج ربيتي عيالج وكبرتيهم وعرستيهم وما شاء الله يابولج احفاد يملون عينج
وبخصوص زوجج الله يهديه بس
والله يعينج حسيت بج انسانه عاطفيه جدا" ما شاء الله عليج 
الله يحفظج ويطول ابعمرج يارب ويخلي لج اعيالج واحفادج يارب
في موضوعها ماشي خلاص يتسوى ربي يعوضها بعيالهااا واحفادها واتشوف الخير كل فيهم وخل تعيش حياتها لهم وتستانس فيهم وتسافر كل سنه لاهلها المهم خل تعيش حياتها بدونه نفس هو ماطلعها من حياته اطلعه واتعيش لعيالهااا ولا اتضيع الباقي من عمرها في الزعل والضيج خل ادور السعاده في عيالها واحفادها وفي دينها والي سوته طول عمرها ماضاع ولاتزعل عليه لانه محفوظ عند ربها وان شاء الله ربي بيعوضها وبيرحمها ان شاء الله