اكره هالتناقض فيني 2024.

خاطري اعرف ..

اسفة كلامي مب مرتب .. اكثر من موضوع داخلين في بعض… بس كانت مجرد فضفضة .. لاني صدق تعبااااانة وااايد ..

صلاة قيام الليل
عقبها تسجدى تدعى وتدعى وتدعى الى ان تنزل دموعك (الى ان تجدى بان العبرة تخنقك ودموعك تسيل)
تحدثى واستنجدى بالله اجعلى لك حبيبا اعتقد بان اخلص حبيب هو الله عزوجل حبيه حبا لم تحبيه لاحد كلما احسستى بانك تريدى ان تتكلمى ادعى كل ما يخطر ببالك والجئ لحبيبك الله عزوجل ستجديه فى اى وقت واى مكان
ايضا صلاة الضحى نفس الشئ
استغفرى كل ما طبختى جلستى لحالك اذكرى الله

لمدة شهر
وشوفى النتيجة

أختى فى الله
ثقى بان الله حولك يحب من عبده ذكره
حبى نفسك لعمل الخير حتى لو تعطى طفل قطعة حلاوة لكن تكون من خاطرك لترى فرحه الطفل

ربي يوفقك لحياة سعيدة تملؤها احاسيس ايمانية

ليش هالنظره السلبيه للزواج صدقيني الدنيا بخير ، وشي وايد رياييل ماشي احسن عنهم بالعكس محترمين
،وحياتهم حلوه…وان شالله ربي يرزقج بريال يكون لج محب ومخلص طول العمر<<^ــ* ،وعن انج للحين ماعرستي
عاااادي شي وايدااات اكبر عنج وبعدهم اعرف وحده وصلت ٣٥ والا توها قريييب معرسه ترى الزواج قسممه ونصيب
وماتدرين متى بييج نصيبج ماعليج الا الصبر والدعاء <<
واذا تحسين بالملل والروتين فانا مثلج اعاني ما اعرف شو اسوي الا من يومين باديه احفظ سوره البقره بدال اليلسه
الفاضيه واذا تبين ربيعه يديده فالج طيب ^ـ* …
حيآآآتي ترى الدنيا ماتسوى لاتضيجين بعمرج واستانسي قد ما تقدرييين ^ـــــ^ ،وحاولي تنمين هواياتج او تسوين رياضه وان شالله تتغير نفسيتج للاحسن ، والسموحه
ختج

اولا ..
انا بخبرج الناس الحين كل اللي يطلعونه ويشكونه للعالم هو المشاكل والمصايب
تعرفين ليش ..؟
لان مايمديهم يقولون مستانسين مع رياييلنا وفرحانين الا يتهم عين من حسود
صدقيني ماقول هالشي من مبالغه لكن هاللي اشوفه ..!
الناس لما يشوفون حد مستانس وفرحان لاااازم يغصصون عليه وكنه ماكل فرحتهم
يعني وايد بنات اعرفهم متزوجين من سنين وفرحانين الحمدلله ومبسوطين
ويخافون يقولون جدام حد يحسدهم ولا يدخل بينهم الشر
خاص البنات يحبون الرمسه الزايده وبتقعد ترمس وتطلع كلام لين يوصل شي
وعادي تصير مشاكل وتنقلب حياتهم بسبب فرحه حبت تشارك ربيعاتها فيها ..!!
في وااايد ناس فرحانين ولله الحمد بس الخوف من الحسد صار هاجس ..
والصراحه مالومهم هالايام نادر من يصيلي عالنبي بس يشوف شي .. صح ولا ..؟

ثانيا ..
انج ماتزوجتي للجين هذا مو شي ضرر لج الله يعرف شو الخير لج وماتعرفين وين
الخيره لج واذا استعيلتي ممكن تندمين وتندمين ع كل لحظه تمنيتي فيها الزواج
وانتي مب عانس ولا شي هالكلام مال اول الحين صار الكل يسمونه عزابي
لان خلاص عانس هاي مال اول مال ايام يدتي وامي زمننا الحين يقولون عزابيه
مب علشان شي بس لان اصلا نادر من تلقينه ريال جد وممكن تكونين في ظله
من صوبي قبل يوم كنت انخطب استاااانس وبس ابي اعرس .. وصدق مامزح
بس الحين يوم وصلت لهالعمر احمد الله اني تأخرت ولا قبل كان هبل السالفه
وماتعرفين وين الخيره لج وشو الله كاتبلج ومن الله ميسر لج ..!!

ثالثا ..
الملل هذا تقدرين تقظين فيه شي غير التلفزيون او اليلسه جيه
دام عندج نت تعلمي عالفوتوشوب سوي شي تصاميم وبيعيها ولا ارسمي
صيري خبره فشي معين وممتع
انا مع اني فالجامعه بس اكره القى عمري فاضيه ومن الحين اخطط شو بسوي فالصيف
حطيتلي مشاريع اقضي وقت فيها وعن الربع وجيه لاتعتمدين عالربع
يلسي مع ااهلج واخوانج .. واختاري صديقات وخليج معاهم وكسبيهم
ولو بغيتيني صديقه انا مستعده اكون معاج ونتشارك مشاريع ونقضي وقت ..!

حبيبتي وايد كلام ممكن ينقال بهالناحيه بس يباله صيغه
وانا الحين رديت علشان اريح قلبج
وان شالله لو بغيتي اي شي انا موجوده يالغلا
وربي يسعدج

خلج كوول .. واذا كل شي عندكم ممنوع نحن بعد نفس الحالــة.. بس اقولج شو الحل ..
انج تختلطين بالناس اللي قريبن منكم من اهلج وقرايبج ومعارفكم وتتعرفين على هاي وهاذيج وتكونين صداقات مب خارجية بس ضمن القبيلة والمعارف ،، ما بيقولون شي .. بالعكس بيمدحون بنت فلان وبنت علان ..

وخليج بشوشة بالعكس اللي مثلج محظوظ في ها الدنيا ع الاقل انتي تائبة .. نحن متى ربي بيفرجها علينا مادري..

والله يوفقج ،، مبين عليج بنت ناس و تعرفين المعنى .. بس بنات الناس هاليومين مب مرغوب فيهن للزواج ..ironiclly!!

هههههههههه

وربي يرزقج الزوج الصالح يارب