اكلة خفيفه ولذيذة وسهلة والخطوات بالصور لخاطر عيونكم . 2024.

عااااااااااااااااد اليوم بنزللكن اكله انما ايه رووووووووووووووووووعه وانتوا جربوها وان شاء الله بتعيبكن والحين يالله بنبدا بالمقادير :
طبعا هاي مقادير العجينه واذا اي وحد حابه تستبدلها بعجينه من عندها عااااادي بس الافضل تكون عجينة بيتزا او فطاااااااااااير…
3 اكواب طحين رقم1
1 ملعقه كبيره خميره فوريه
1.5ملعقه صغيره ملح
ونص ملعقه صغيره بيكنج باودر
2 ملعقه كبيره سكر(ملعقه الاكل طبعا)
ربع كوب روب(زبادي)
1 كوب ماي دافي
ربع كوب زيت الذره

والحين مقادير الحشوه (حشوه الدياي)
صدر دياي مسلوق ومقطع طوليا (يعني اييج مثل لخيوط)
2 بصل تقطعينهن صغار
1 حبة ماجي
فطر (الكميه اللي تبينها)
ذره(الكميه اللي تبينها بعد)
كوب جبن كرافت (الكمية الي تبينها )

تعيينين العيينه وتخلينها لين ماتخمر…وتسوين الحشوه طبعا تبدين اتحمرين البصل وعقب تحطين الفطر والدياي والذره والماجي ورشة ملح وفلفل اسود)

بعد ماتخمر تيبين العيينه واتفردينها بالنشابه او الخشبه (الشوبك) على كبر الصينيه عكيفج انا استخدمت الدائريه..ولاتخلينها رفيعه ولا غليظه يعني مثل ماتخلينها للبيتزا

وبعدين دهنتها بجبنة كرفت السايله ع كل العيينه و حطيت الحشوه فوق العيينه يعني فوق الجبن…

وهاي صورة الحشوة …قبل لاحطها
[IMG][/IMG]

وعقب مانفرد العجينه وندهنها بالجبن نحط عليها الحشوة

[IMG][/IMG]

وعقب مانحط الحشوه نحط جبن شرايح …بس انا ماتوافر عندي حزتها حطيت جبن كرفت الكوب ..وزعت شويه بالخاشوقه>> يؤيؤ ملعقة

[IMG][/IMG]

وعقب نرد نفرد الباقي من العجينة مثل الصورة الاولى …وتصير مثل الغطاء ونرش عليها جبن الموزاريلا..وتصير جذية

وتدخل الفرن ..اول شي نولع عليهامن تحت ويوم تستوي نولع عليها من فوق …لين تحمر ونقطعها مربعات وهني وعافية …

واول وحده ترد لها هالصحن هدية …وبالهنا والعافية …

[IMG][/IMG]