الأصل والفصــــل هل يقف عائقـــــــــا أمام الزواج
طبعا هالموضوع حساس جداً .. لكن منو الضحيه ؟ الفتاة ..
الكل يتمنى يزوج بناته وإلا خواته برجال طيبيين سمعتهم 100/100 .. الخ ..
لكن هل الأصل يمنع هالزواج ؟
الرسول عليه الصلاه والسلام قال ..
"إذا أتاكم من ترضون دينه وخلقه فزوجوه"
يعني نبينا حدد أهم شرطين في الزواج .. و هو الخلق والدين ..
بس ..
ليش الأهل مصرين على تقديم الأصل كشرط أساسي
لتزويج بناتهم ؟
هل فعلا التعصب القبلي أو العرقي موجود بمجتمعنا..؟؟
أتمنى أشوف مشاركاتكم و أرائكم بكل صراحة
وهذارد صريح أعجبني من نفس المنتدى الذي نقلت فيه هالموضوع المنتشر في بعض العوائل في
الإمارات
الأصوول والفصوول كانت ولازالت مهمه مثل ما سبق
لكن في ها الأيام البنات معنسات عسب الأصل والفصل والحسب والنسب ….
والناس بدت تتفهم أن هذه الافكار ولى زمانها ورااااااااااااح ….
ولكن فيه ناس أخرى مازالت تتمسك بها الأشياء …..
كله يعتمد على عقلية الأهل …..وجذه
<منقول>.
وهو سبب من اسباب العنوسه
الله المستعان
ماخصه أختى بس فيه قبائل ما يرضون ييزوجون بناتهم
الا من نفس القبيله
دام الرجال سمعته و اخلاقه زينين + مصلي و مسوي + ما عليه قصور = زوجوه !!!
الله يهدي الاهل ، يخربون على بناتهم عشآن سآلفه الاصل
و بعدين كل الناس لهم اصول ،
اللي اصله هندي ، و اللي أصله مصري ، و اللي اصله بدوي ، و اللي اصله ايراني ، و اللي اصله اوروبي …. الخ
الكل له اصل ، مافي احد جاا من الارض جيه فجأه ، كأنه فقع !!!!!!!!!!!!!!!!!!
صحيح في اصل يتقبله العقل و اصل ما يتقبله العقل ، لكن بكلتا الحالتين
الاصل ما يحدد اذا هالشي مناسب للزواج او لآ ،
ما اقول مب مهم < لآني احسه شي مهم ، و مهم جداً
لكنه مب السبب الاول و الاخير للزواج
بالنسبه للعائلات …
><