اشحالكن سيدات الامارات
عساكن بخير
عندي مشكله معوره قلبي وااايد شايله همها الا وهي
(((((((((((( معاش ريلي ))))))))))))
نحن معرسين من سنه ونص ولين الحين مب مجمعين شي !!!!!!!
ريلي يشتغل بشهاده ثانويه عامه بالشرطه و ويدرس بجامعه خاصه ^^ .. وهل الجامعه كل ثلاثه شهور تبا 12000 ,, واول ما ينزل المعاش يسحب منه البنك 4000 من القرض الحمدلله ع كل حال
ما ايي الويكند من الاول الاسبوع الا ونحن مفلسين
ريلي مب مقصر ويا اهله ومب مقصر وياي بالمصروف ربي يعطيه العافيه
ومن وقت لوقت يشتري للاهله سوالف البيت ويعتبرها صدقه
معاشه كل يخلص ولين الحين مب مجمع حتى 3000 درهم
لدرجه صار يسحب معاشه كله من البنك ويعطيني اياه بيدي ويقولي انا ما قدرت .. حاولي تيمعيلي ><
وحاولت بس ما شي فااايده .. البيزات تطير وما يبقى الا مئات فقط
الحال متعبني نفسيا .. استويت ما انام صادني الارق كله افكر ..وما يمر يوم الا امسك الحاسبه واحسب يعني من معاش 16000 في اسبوع واحد يستوي 500 درهم
وعلى فكره انا وياه مب النوع المبذر ابداااا ومشتريتانا كلها بالمعقول وع القد
وياما حاول يوقف الجامعه.. وانا احفزه اقوله كلها اربع سنين وبتخلص بسرعه ^^
والمشكله الثانيه ان اهله يطيحون فيه ويقولون له .. وين تودي البيزات .. قبل لا تعرس كنت تيمع الحين وين تطير .. يحبطونه اكثر حليله
الصدقة
الصدقة
يعني شهريا خصصوا مبلغ للصدقة
( اكفلوا يتيم ب 250 درهم شهريا فيها بركة واااااااااااااااااااااايد )
هال250 نحن نصرفها ولا نحس بها لكن تدخل الفرحة ع قلب يتيم وامه
البركة كلها اتي من الصدقة
حتى لو بدرهم يوميا في حصالة واخر الشهر تعطونها فقير او محتاج
حاولوا تكتبون كل احتياجاتكم واغراضكم في ورقة
اول باول سجلوا شو صرفتوا
وعقب شوفوا اللي مب محتايينه وله بديل ارخص غيروا عنه
صدقيني في ناس فاتحين بيوت عندهم اسر ومصاريف مدارس براتب ما يتجاوز ال 6000 درهم هذا كل راتبهم وكل اعتمادهم عليه ولا عندهم دخل ثاني
بس مرتبين امورهم وامور عيالهم ويصرفون بحكمة ويدبرون امورهم عدل عشان ما يحتاجون لحد
ليش ما تفتحون حساب توفير حتى لو تحطون فيه 1000 درهم شهريا
ومااشء الله راتب 16000 درهم حلو
اذا قلنا 4000 للبنك
بقت لكم 12000 الف درهم
من هالا12 الف كم يدفع للبيت
بنقول 1500 درهم
وبعد بقت 10500 درهم
شهريا لو يحط للجامعة 4000 درهم (لان كل 3 شهور 12 الف )
بقت لكم 6500 درهم
بنقول 1000 للبترول
مصاريفكم كم تطلع شهريا كشخصين فقط
هني دورج في الترتيب والتدبير
وآيد نآس معآشآتهم أقل ومآشآءالله مدبرين أمورهم
مثل مآ يقولون الصدقة تطرح البركة بالرآتب
وعلى الأقل لو اتحآولون اتوفرون من الرآتب 1000 درهم ترى نعمة
بس مآ خبرتوني عندكم عيآل ول لأ ؟؟
وحبيبتي بقولج شي الرآتب سوآء كآن 16000 ول 60000 لو مآ فيهآ بركة مآ رآح يتم
أنآ أعرف نآس رآتب الريآل 60000 بس من أول أسبوع يخلص ويسير يآخذ من أهله بعد
سبحآن الله مآفيه بركة
وعلى طآري أهله
ترى محد بيحس بالزوج إلآ شريكة حيآته
وربي يزقكم إن شآءالله وتترتب كل أموركم ^^
بس الاسباب تختلف
والله يكون في العون
ونحن نطلع صدقة وكافلين يتامى والله كريم ..ربي يرزق الجميع وايسر الحال.
