شحالكم عساكم بخيير .؟
اليوم حبيت استشيركم بشي محيرني ..
أنا و لله الحمد و المنه انخطبت بعد انتظار ..
و الحمدلله كل شي مشى أوكي .. الناس من اهلنا و جدام بيتنا .. البنات حببوبات و من زمان أنا وهاهم سوالف و الام على نياتها .. ما تووقعت أبد انهم يخطبوني لولدهم ..
الحمدلله حسيت الاهل مستانسين و مرتاحين فارتحت للناس ووافقت …
و لما يوو الزيارة عسب يجوفوني كنت وااااااااااااايد متوترة .. بالذات لما يا يجوفني كنت انتفض بشكل مو طبيعي و مستحية .,طبعا هذا احساس اي بنت اول ماتنخطب لكن يمكن أنا بالغت بالمستحة ,
المهم لما رووحو وجي تمت النفضة فيني صح كنت اضحك و يا الاهل و نتصوور وجي لكن فيني رجفة مب راااضية تخووز..
تميييت لين باليل انتفض حتى ما يالي رقااد و لما رمست ربيعاتي و قلت لها شو الي صار زادت الرجفة و عقبها صدري عوورني واااااااايد ..
تم الالم طوول الليل جنه قلبي ينغزني حتى مايالي رقااااد زين ما تخبلت و كل ما اذكر الموقف يزيييد الالم
صح ساعات يرووح لكن ساعات يرجع..
الحين أنا صار ثلاث أيام على هالوضع صدريي يعورني و قلبي ينغزني ..احترت واااايد أقول يمكن هالشي من رب العالمين كتحذير اني ما أوافق لاني مصلية استخاارة وااايد
و يمكن هالشي بسسب تأثير الرجفة الي يتني ..ما أعرف شو السبب؟؟؟
احتتتتترت واااااايد .. الحين سؤالي هو هل اتبع احساس قلبي و أرفض ؟؟
و الا اترك كل شي رب العالمين ؟؟؟و هو حسبي ووكيلي و هو يعرف شو الالفضل لي؟؟؟
أنا واااايد محتارة خوااتي تعبت من النغوة الي بقلبي حتى طوول الوقت أستغفر و اذكر ربي عساها ترووح ..
شورو علي بشوو اسوي .. وجزاكم الله كل خييير .
و خلج ع الموافقه اذا وافقتي و اذا الله كاتبنه لج الموضوع بيتم
و اذا الله مش كاتبنه لج الموضوع بيتكنسل
و اذا اكتمل الموضوع و مالج فيه نصيب تراه اختبار من رب العالمين
الله يوفقج و يهدي بالج امين
بس الشيطان شاطر في هالأوقات .
والله يجدم اللي فيه الخير .
خلي كل شي على ربج دامج مستخيره لا تخافين من شي
و الله يوفقج حبيبتي و يتمم لج على خير
واحساس عادي أختي بس تختلف حدته من شخص لآخر
بعد الإستخارة أختي توفقين وتخلين الأمور تستوي بروحها بدون لا تدخلين
استعيذي من الشيطان الرجيم
والله يتمم لج على خير
لا إله إلا أنت سبحانك إني كنت من الظالمين
﴿ وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَآئِمًا فَلَمَّا كَشَفْنَا عَنْهُ ضُرَّهُ
مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ ﴾
يعني ماله علاقة بضيق او مب مرتاحه والله اعلم ..
حبيبتي خليج على موافقتج والله يسهل امورج وحاولي لا توسوسين نفسج
توكلي على ربج ولا تفكرين وايد .. وهالشي شعور طبيعي تمر به كل بنت ..